Ақтөбе облыстық әдістемелік орталығы
Актюбинский областной методический центр

Жарияланды 05 Ақпан 2025

2025 жылдын 15 сәуір күні Ақтөбе облыстық әдістемелік орталығының ұйымдастыруымен облыстық деңгейде дебат жетекшілеріне арналған «Спикерлерді дайындау методикасы» тақырыбында семинар-практикум өткізілді.

Іс-шараға Ақтөбе облысы бойынша 28 дебат жетекшісі қатысты.

Семинардың мақсаты – спикерлерді кәсіби даярлау әдістерін меңгерту, пікірсайыс клубтарының жылдық жұмысын жүйелеу, халықаралық форматтармен таныстыру, сонымен қатар дебаттық турнирлерді тиімді ұйымдастыру жолдарын үйрету болды.

Семинар барысында «Пікірсайыс клубын жүргізу – жылдық жоспар жасау», «WSDC форматының салыстыру анализдері», «Пікірсайыс турнирлерін жеңу мен ұйымдастыру» тақырыптары ұсынылып, талқыланды.

Қатысушылар теориялық материалдармен қатар практикалық жаттығулар арқылы өз тәжірибелерін толықтырып, пікірсайыс клубының жұмысын жетілдіруге бағытталған нақты әдістер мен тәсілдермен танысты.

Шараның нәтижесінде жетекшілер дебат жүргізу әдістемелері мен ережелерін меңгеріп, тәжірибе алмасуға мүмкіндік алды.

“Пікірсайыс – оқушыларды дамыту құралы ” облыстық шығармашылық есебі өтті

Ақтөбе облыстық әдістемелік орталығының жоспарына сәйкес 2025 жылдың 13 ақпан күні Ақтөбе қаласы №51 гимназиясының  тәжірибелі пікірсайыс жетекшісі Жәкен Нүркеннің шығармашылық есебі өтті. 

Іс-шараға Ақтөбе қаласы мен облыс аудандарынан 40-қа жуық дебат жетекшісі қатысты. Есеп барысында Нүркен Дәуітбайұлы жетекшілік ететін “Риторика” МПА оқушылары көрсетілімдік ойын өткізіп, өз тәжірибелерімен бөлісті. Сонымен қатар,шара  барысында пікірсайысшыларға пайдалы әртүрлі сайттар мен жасанды интеллект құралдары ұсынылып, олардың мүмкіндіктері көрсетілді.

Ашық микрофон барысында кері байланыс жасалып, қатысушылар өз әсерлерімен бөлісіп, пікірсайысты дамыту бойынша ұсыныстарын ортаға салды.  

Бұл шығармашылық есеп пікірсайыс жетекшілерінің кәсіби біліктілігін арттыруға, жаңа әдіс-тәсілдерді меңгеруге және тәжірибе алмасуға мүмкіндік берді.

Құзыретті көшбасшылық: мектеп директорына қажетті дағдылар мен тәсілдер

Актөбе облыстық әдістемелік орталығының жоспарына сәйкес 2025 жылғы 27 қаңтарда «Құзыретті көшбасшылық: мектеп директорына қажетті дағдылар мен тәсілдер» тақырыбында онлайн форматта облыстық семинар-практикум өткізілді.

Семинарға Ақтөбе облысының жаңадан тағайындалған 70-тен астам мектеп директоры қатысты. Іс-шара барысында қатысушылар мектеп басқару мәселелерін талқылап, көшбасшылық қабілеттерін дамытуға бағытталған тиімді басқару әдістерін меңгерді.

Семинарда 2024 жылғы облыстық дебат турнирінің жеңімпаздары өздерінің басқару тәжірибесімен, мектептегі білім сапасын арттырудың озық әдістерімен және ұжымды тиімді ынталандыру жолдарымен бөлісті:

• Бекжанов Орынбасар Избасарұлы, №76 жалпы білім беретін мектептің директоры;
• Кенжебаева Анар Төлкібайқызы, Ақтөбе қаласындағы №50 орта мектептің директоры.

Семинар барысында қатысушылар сұрақтар қойып, спикерлерден толық әрі нақты жауаптар алу мүмкіндігіне ие болды. Ашық диалог форматы директорларға өзекті мәселелерді талқылауға, тәжірибе алмасуға және жаңа идеяларды қарастыруға жағдай жасады.

Семинарға қатысушылар мұндай іс-шаралардың кәсіби шеберлікті дамытуда маңызды рөл атқаратынын және мектеп басқарудың заманауи тәсілдерін меңгеруге көмектесетінін атап өтті.

«Дебат жүргізудің негізгі ережелері, элементтері және техникасы»

2024 жылдың 28-29 қазан күндері Ақтөбе облыстық әдістемелік орталығының ұйымдастыруымен «Дебат жүргізудің негізгі ережелері, элементтері және техникасы» тақырыбында дебат жетекшілеріне арналған облыстық оқыту семинары өтті. Бұл шараға 41 жетекші қатысты.

Семинар барысында Ақтөбе қаласындағы М.Құрманғалиева атындағы №32 гимназияның мұғалімі Т.Б. Снасапин WSDC (World Schools Debating Championships) ойындарының төрешілігі және оқушыларға WSDC ойындарын қалай түсіндіру керектігі бойынша түсіндірме жұмыстарын жүргізді. Сонымен қатар, WSDC төрешілігін талдау тақырыбында да кеңінен ақпарат берілді.

Семинардың практикалық бөлігінде қатысушылармен дебаттық көрсетілім ойыны ойнатылып, жетекшілерге төрешілік ету тәжірибесі ұсынылды. Ойынның нәтижелері бойынша талдау жүргізіліп, қатысушылар арасында пікір алмасу ұйымдастырылды.

Шараның нәтижесінде жетекшілер дебат жүргізу әдістемелері мен төрешілік ережелерін меңгеріп, тәжірибе алмасуға мүмкіндік алды.

Жарияланды 05 Ақпан 2025

Ақтөбе облыстық әдістемелік орталығының 2025 жылға арналған жұмыс жоспарына сәйкес, 19 сәуір күні «Шабыт» жобасы аясында жалпы білім беретін мектептер арасында «Этно ауыл» ұлттық көрме-байқауы өткізілді. Байқаудың негізгі мақсаты – ұлттық мәдени құндылықтарды дәріптеу, педагогтердің шығармашылық қабілеттерін дамыту, тарихи-этнографиялық мұраны насихаттау және ұлттық өнерге деген қызығушылықты арттыру болды.

Облыстық кезеңге барлығы 8 команда қатысып, байқауға әр мектеп өз атынан командалық түрде этнографиялық экспозициялар ұсынып, үш негізгі бағыт бойынша жұмыстарын таныстырды:

1.«Дәстүрлі қолөнер» (ұлттық киімдер, зергерлік бұйымдар, тоқыма және ағаш өңдеу),

2.«Ұлттық тағамдар» (қазақ асханасындағы дәстүрлі тағамдарды дайындау және таныстыру),

3. «Этно үй» (қазақтың дәстүрлі киіз үйінің макеті, ішкі көрінісі мен тұрмыстық бұйымдары). Командалар арасында жеребе тастау арқылы реттік тәртіп анықталды.

Қазылар алқасы қатысушылардың жұмысын үш бағыт бойынша 5 балдық жүйемен бағалады:

• тарихи және этнографиялық дәлдік,
• шығармашылық идея мен эстетикалық безендіру,
• практикалық шеберлік пен қолөнер сапасы,
• командалық жұмыс пен бірлік,
• жұмысты таныстыру шеберлігі.

Әр команда аталған критерийлерге сәйкес өз жобаларын қорғады.

Байқау қорытындысы бойынша : Гран-при жүлдесін Ырғыз ауданының «Саф дала» ауылы жеңіп алды. І орын Ақтөбе қаласының «Дәстүр» ауылына бұйырды. ІІ орынды Темір ауданының «Мұрагер» ауылы мен Мұғалжар ауданының «Береке» ауылы өзара бөлісті. ІІІ орын Байғанин ауданының «Ы.Алтынсарин» ауылы мен Әйтеке би ауданының «Бірлік» ауылының еншісіне тиді. Сонымен қатар, Мәртөк ауданының «Асыл мұра» ауылы «Үздік командалық жұмыс» номинациясына, Ақтөбе қаласының «Қара шаңырақ» ауылы «Ұлттық дәстүрді насихаттаушы команда» номинациясына ие болды.

Бұл байқау педагогтер үшін ұлттық мұраға деген құрмет пен сүйіспеншілікті қалыптастыруға, шығармашылық қабілеттерді шыңдауға және этномәдени білімді кеңейтуге үлкен мүмкіндік берді.

Жарияланды 05 Ақпан 2025

Ағымдағы жылдың 27 – 31 қаңтар аралығында Ақтөбе облыстық әдістемелік орталығының жоспарына сәйкес «Біртұтас тәрбие» бағдарламасының «Smart Bala» жобасы бойынша «Өнертапқыштыққа алғашқы қадам» байқауы аудандық, қалалық білім беру ұйымдарында өткізілді.

Мақсаты: жас дарынды оқушыларды ғылым, техника және инновация саласында шығармашылық ойлауға, жаңа идеяларды жүзеге асыруға ынталандыру.

Бұл конкурс жас ұрпақтың инженерлік және ғылыми қабілеттерін дамытуға, оларды жаңашылдық пен өнертапқыштыққа баулуға бағытталған. Сондай-ақ, қатысушылар конкурс барысында өздерінің инновациялық жобаларын таныстырып, түрлі салаларда қолдануға болатын жаңа шешімдер ұсына білді.