Зейнетақы қызметтерін цифрландыру - Қор қызметінің маңызды бағыттарының бірі.  Қызметтердің жалпы көлемінің 93% дерлігі БЖЗҚ сайты мен ұялы қосымшасында немесе автоматты форматта қашықтан көрсетіледі.

Іс-шара бұрынғыдай онлайн тәртібінде өтті және оның қатысушылары үйден немесе жұмыс орнынан шықпай-ақ Қор сайтындағы, БЖЗҚ/ЕНПФ ұялы қосымшасындағы және мессенджерлер мен әлеуметтік желілердегі басқа да сервистердегі «Жеке кабинеттің» өзекті және сұранысқа ие мүмкіндіктерімен танысты.

Салымшылар мен алушылар зейнетақы жүйесі мәселелері бойынша ақыл-кеңестерді БЖЗҚ филиалдарында да, enpf.kz сайтында, мессенджерлерде және әлеуметтік желілерде де онлайн тәртібінде ала алады. Іс-шарада мұны қалай жасауға болатыны туралы айтылды. 

Сонымен қатар, бөлімшелердің жауапты қызметкерлері қатысушылардың сұрақтарына жауап беріп, олардың қалауы бойынша жеке кеңес беру жұмыстарын өткізді.