Инклюзивті білім беру бойынша жұмыстың оң тәжірибесін тарату шеңберінде 2021 жылдың 26 қазанында «Ерекше білім алу қажеттіліктері бар балаларға инклюзивті білім беру құқығын жүзеге асырудың аспектілері мен педагог-ассистенттің қызметі туралы» тақырыбында онлайн режимінде семинар-практикумы өткізілді.

Шараға инклюзивті білім беруге жетекшілік ететін облыстың білім бөлімінің бас мамандары мен әдіскерлері және педагог-ассистенттері, мектеп психологтары қатысты.  

Семинардың басты спикері Нұр-Сұлтан қаласының «Болашақ» корпоративтік қоры «Каждый ребенок достоин школы» жобасының кураторы Г.Сулейманова «Инклюзивті қолдау кабинетінің» қызметімен  таныстырды және педагог-ассистенттердің республика көлемінде өткізіліп жатқан кәсіби құзыреттіліктерін шыңдауға бағытталған біліктілік арттыру курс  жұмыстарына тоқталды.

Іс-шараның практикалық бөлімінде бағдарламаға сәйкес өз іс- тәжірибесімен бөліскендер: Ақтөбе қаласының №19 жалпы орта білім беру  мектеп директорының оқу ісі жөніндегі орынбасары Г.Беисова «Сопровождение  ученика с ООП педагогом-ассистентом»,  педагог-ассистенттер: А. Саматқызы «Педагог-ассистенттің құжаттары»,  А.Нугманова «Педагог-ассистенттің жұмысы»; № 29 ЖОББМ «Инклюзивті қолдау кабинетінің» мұғалімі Е.Глущенко, педагог-ассистент О.Тофан «Функции и этапы комплексного сопровождения детей с ООП  в условиях общеобразовательной школы»; № 26 ЖОББМ «Инклюзивті қолдау кабинетінің» мұғалімі К.Золина, педагог-ассистент А.Дарибаева «Формирование базовых академических навыков альтернативными методами».

Спикерлер ерекше білім беру қажеттіліктері бар балалардың даму ерекшеліктерін  ескеру, педагог-ассистенттердің оқу іс-әрекетін ұйымдастыру, нормативтік-құқықтық актілерін қолдану, жаңа әдіс- тәсілдер бойынша шебер-кластар көрсетіп, мол мағлумат берді.        

Семинар-практикум  қорытындысы бойынша қатысушылардың ұсыныс-пікірлері тыңдалып, ерекше білім беруді қажет ететін балаларды оқыту және дамыту үшін қолайлы жағдай жасау мәселелері бойынша әдістемелік ұсынымдар берілді.

Әдіскер М. Раисова