Ақтөбе облыстық әдістемелік орталығының жоспары бойынша Ақтөбе қаласы №49 «Думан» бөбекжай-балабақшасының тәрбиешісі «Мектепке дейінгі ұйымның Үздік педагогі – 2023» республикалық байқауының

 жеңімпазы, Узакбаева Сапаргуль Буркитбаевнаның «Мектеп жасына дейінгі балалардың шығармашылық қабілеттерін дамыту» тақырыбында облыстық шеберхананың II отырысы өтті.

         Шеберхана жетекшісі С.Б.Узакбаева «Бояулар әлемі» тақырыбында ұйымдастырылған ойын іс-әрекетті дәстүрден тыс әдіс-тәсілдерді қолдана отырып «Қармен сурет салу», «Көпіршікпен сурет салу» әдісі, «Қалдық материалдардан»  бұйымдар жасау арқылы шебер-класс көрсетті. 

Сонымен қатар шеберхана мүшелері Қобда ауданы «Шұғыла» бөбекжай-бақшасының тәрбиешісі У.Р.Кусмагамбетова «Таңғажайып зертхана» «Магниттік құрылыс», «Сиқырлы құм» тақырыбында қызықты зертхана жұмыстарымен бөлісті.  Ойыл ауданы «Асанәлі» бөбекжай-бақшасының тәрбиешісі А.А.Ерішова «Мұрын арқылы сурет салу», «Жарық және көлеңке» атты дәстүрден тыс әдіс-тәсілдеді қолдана отырып іс-тәжірибелерімен бөлісті. №49 «Думан» бөбекжай-балабақшасының тәрбиешілері А.У.Ишмуратова мен А.М.Сүндетова «Жас шеберлер» орталығында жүн талшықтарын игеру, түту, домалату арқылы, сабынды су тәсілімен моншақ жасау жолын көрсетті. Тәрбиеленушілермен дәстүрден тыс технологияны қолдана отырып, қатысушылармен шығармашылық жұмыстар орындады.

Шара соңында педагогтермен қорытынды пікір алмасып, кәсіби диалог жүргізді.

А.А.Искендирова, Ақтөбе облыстық әдістемелік орталығының әдіскері