Ақтөбе облыстық әдістемелік орталығының ұйымдастыруымен Ақтөбе қаласының №2 психологиялық-педагогикалық түзеу кабинетінде «Психологиялық-педагогикалық түзету жағдайында ерекше білім беруді қажет ететін балаларды қолдау мүмкіндіктері» тақырыбында облыстық шебер-класс өткізілді.  

Мақсаты–түзету жағдайында ерекше білім беруді қажет ететін балаларды қолдау мүмкіндіктері, ерте жастан дамуын бақылау шаралары және ақпараттық технологиялар бойынша тәжірибе алмасу және педагогтердің кәсіби деңгейін арттыру.     

Іс-шараға 25 - тен аса арнайы (түзету) ұйымдарының әдіскерлері, психологтары мен логопедтері қатысты. 

Облыстық шебер-класс барысында №2 психологиялық-педагогикалық түзеу кабинетінің педагогтері өздерінің түрлі әдістері және тәжірибелерімен бөлісу мақсатында «Қарым-қатынас пен әлеуметтік өзара әрекеттестіктің бұзылуы немесе қиындықтары бар балалармен жұмыс жасаудағы көз байланысын орнату», «Сенсорлық-интегративті әдіс-тәсілдерді түзету жұмысында қолдану», «Балалардың танымдық іс-әрекеттерін дамытуда ақпараттық технологияларды тиімді пайдалану», «Ерте жастағы балаларға және олардың отбасыларына көмек», «Баланы дамытуды үйренеміз», «Бірге өсіп, бірге дамимыз» тақырыбында шеберлік сағаттарын өткізді.