Ағымдағы жылдың 29 қарашасында Ақтөбе облыстық әдістемелік орталығының ұйымдастыруымен «№6 Хромтау гимназиясы» КММ-нің директордың тәрбие жұмысы жөніндегі орынбасары -Жасаганбергенова Баян Идирисовнаның шығармашылық есебі өткізілді.

Мақсаты: Облыс педагогтерінің озық педагогикалық іс-тәжірибе тарату.

Шығармашылық есепке Ақтөбе облыстық әдістемелік орталығы Қосымша білім беру және тәрбие бөлімінің басшысы А.М.Наренова және Ырғыз, Шалқар, Қобда, Темір, Байғанин, Мұғалжар, Хромтау  аудандарының педагогтері қатысты.

Шығармашылық есеп барысында «Даналық мектеп», «Шабыт», «SMART BALA», «Балалар  және  театр», «Өнегелі 15 минут»  жобаларын іске асыру бойынша жүргізіліп жатқан жұмыстар ұсынылды.

Есептің практикалық бөлімінде «Адамгершілік – мөлдір бұлақ бастауы»  (3 "А" сыныбы), «Салауатты өмір – жарқын болашақтың кепілі»             ( 6 "Ә" сыныбы), "Балалар кітапханасы" жобасы аясында "ХХІ ғасыр-Қаныш Сәтпаев ғасыры" іс-шарасы өткізілді

Сондай-ақ, мектеп директорларының тәрбие ісі жөніндегі орынбасарларына сынып жетекшілерінің құжаттамасымен танысуға мүмкіндік туды.  Шығармашылық  есеп қонақтары 1-4 сынып ата-аналарына арналған «Зейін – алғырлықтың алғышарты» тақырыбындағы ата-аналарды педагогикалық қолдау орталығының сабағына қатысты.