Ақтөбе облыстық әдістемелік орталығының жоспары бойынша Ақтөбе қаласы №49 «Думан» бөбекжай-балабақшасының тәрбиешісі «Мектепке дейінгі ұйымның Үздік педагогі – 2023» республикалық байқауының жеңімпазы, Узакбаева Сапаргуль Буркитбаевнаның «Мектеп жасына дейінгі балалардың шығармашылық қабілеттерін дамыту» тақырыбында облыстық шеберхананың алғашқы ашылу отырысы өтті.

Отырысты облыстық әдістемелік орталықтың әдіскері А.А.Искендирова ашып, шеберхананың мақсаты мен жылдық жұмыс бағытына тоқталды.  

Шеберхана мақсаты: Мектеп жасына дейінгі балалардың шығармашылық және танымдық қабілеттерін еркін дамыту бағытында балабақша тәрбиешілеріне қолдау көрсету болып табылады.

Шеберхана жетекшісі С.Б.Узакбаева «Шығармашылық жұмыстар – білу, ойлау, білік» тақырыбымен өз тәжірибесімен бөлісіп, шеберхана жұмысына шолу жасады.

Сонымен қатар, тәрбиешілермен «Ұжымдағы қарым-қатынас» іскерлік ойынын жүргізді. Дәстүрден тыс әдіс-тәсілдерді қолдана отырып, қатысушылармен шығармашылық жұмыстар орындады.

Рефлексия барысында тәрбиешілер мектеп жасына дейінгі балалардың шығармашылық әлемін ашуға және оны қызықтыруға деген ұмтылысын көрсетті.

Қатысушылармен қорытынды пікір алмасып, ойларымен бөлісіп, кері байланыс жасады.

А.А.Искендирова, облыстық әдістемелік орталық әдіскері