2024 жылдың 13 қарашасында Ақтөбе облыстық әдістемелік орталығының жоспарына сәйкес М.Әлімбаев атындағы  № 25 жалпы білім беретін орта мектеп базасында  тарих пәні мұғалімдері «Тарих пәнін оқытудағы құзыреттілік әдістің тиімділігі» тақырыбында облыстық семинар өткізді. Іс шара барысында құзіреттілікке негізделген әдістің теориялық аспектілері, оның оқушылардың сыни тұрғыдан ойлауын дамытудағы рөлі және құзыреттіліктерді қалыптастыру мәселелері талқыланды. Тарих мұғалімдері оқытудың инновациялық әдістерін қолдану тәжірибесімен бөлісті, сонымен қатар заманауи оқу үдерісі жағдайында тарих пәні мұғалімдеріне арналған практикалық ұсыныстарды қарастырды.