2024 жылдың 15 мамыр күні Ақтөбе облыстық әдістемілік орталығының жоспарына сәйкес М.Құрманғалиева атындағы №32 гимназиясында дебат клубының жетекшісі Снасапин Темірлан Бірімбетұлының «Дебат клубы және оқушыларды дебат арқылы жетістікке жетелеу» тақырыбында шығармашылық есебі өтті.

Шараның алғы сөзінде Ақтөбе облысы әдістемелік орталығы директорының орынбасары Д.К.Халетова Т.Снасапиннің облыс бойынша танымал дебат жетекші екендігін айтса, М.Құрманғалиева атындағы №32 гимназиясы директорының оқу ісі жөніндегі орынбасары Г.Қ.Мусина педагогтің тек дебатта ғана емес, өз пәнінде де үздік екендігіне тоқталды.

Дебат жетекшісі шығармашылық есебінде өзінің тәжірибесімен, табысты мұғалім және пікірсайысшы болудың құпиясымен бөлісті.

Сонымен қатар, «Риторика» МПА клубының мүшелері көрсетілім ойынымен шараға қатысушылардың ықыласына бөленді.

Ашық микрофон барысында кері байланыс жасалып, тыңдаушылардың сұрақтарына жауап берілді.