Ағымдағы жылдың 31-наурыз күні «Облыстық арнаулы санаторлық мектеп-интернатында» физика және  математика пәні  мұғалімі Гульфира Абдикаримовна Абдраимованың  «Жаратылыстану пәндерін интеграциялаудағы әдіс-тәсілдер» атты облыстық шеберханасының 3-отырысы өтті.

   Шеберхана мақсаты:

1.Ұстаздарға заман талабына сай сабақты түрлендіріп өткізу үшін қолданылатын әдіс-тәсілдер үйрету;

2.Өзара тәжірибе алмасу.

   Бекітілген бағдарлама бойынша ұстаздар Г.А.Абдраимованың 7-сыныптағы «Энергия. Кинетикалық және потенциалдық энергиялар» атты ашық сабағына қатысты. Сонымен бірге, Ойыл ауданы, Ш.Бекмұхамбетова атындағы мектеп-гимназиясының биология пəні мұғалімі  Бақыт Даулеткалиевна Тоғжанова «Оқытудың интерактивті əдістері, Learning Apps-пен тапсырмалар құрастырудың мүмкіндіктері», Шалқар ауданы,№ 8 ЖББОМ биология пəні мұғалімі Ардақ Шамшатқызы Дүйсмағанбетова  «Биология пəнін оқытудағы жаңаша əдіс-тəсілдер» және  Ырғыз  ауданы, Ы.Алтынсарин  атындағы  ЖББОМ  химия  пəні мұғалімі  Айнұр  Аманғалиева «Химия пəніндегі қызықты тəжірибелер мен əдіс-тəсілдер» шебер сынып сағаттарын көпшілікке ұсынды.

     Жұмыс барысында ұстаздар арасында құрылған топтар сабақ үдерісіндегі әдіс-тәсілдер туралы баяндап, өз тәжірибелерімен бөлісті.