2023 жылдың 25 қаңтары күні Ақтөбе қаласы Ғ.Ақтаев атындағы №6 мектеп-гимназиясында «Бастауыш класс оқушыларының оқу жетістігін бағалаудың тиімді әдістері» тақырыбында болып өткен облыстық семинар- практикумында облыстың бастауыш сынып мұғалімдері тәжірибе алмасты.

Семинар жұмысы Ақтөбе облыстық ғылыми-тәжірибелік орталығының бөлім меңгерушісі Светлана Жубаеваның алғы сөзімен ашылды.

Шараның практикалық бөлімінде қатысушылар аталған мектептің бастауыш сынып мұғалімдері Жумагул Нуржанова, Айгүл Габдуллина, Ағима Жұмасейтова, Серикгул Кыстаубаева, Акмарал Балгабаева, Орынкул Жусипова, Алия Умирбаева, Айнагуль Медетова, Гульжамиля Турина өткізген сабақтардан оқушылардың оқу жетістігін бағалаудың тиімді әдіс-тәсілдерін көріп, бақылады.

Семинар соңында кері байланыс жасалып, жылы тілектер айтылды.