2022 жылғы 30 қарашада Мұғалжар ауданы Қандыағаш қалалық №2 жалпы орта білім беретін мектебінің базасында бастауыш сынып мұғалімдеріне арналған «Бастауыш сынып мұғалімдерінің кәсіби құзыреттілігін арттырудың тиімді жолдары» тақырыбында облыстық семинар-практикум өткізілді.

Семинар-практикум жұмысы облыстық ғылыми-тәжірибелік орталығының әдіскері, ф.ғ.магистрі Светлана Жубаеваның кіріспе сөзімен ашылып, Мұғалжар аудандық білім бөлімінің басшысы Бахраман Аманжолдың  құттықтау сөзімен жалғасты.

Шараның теориялық бөлімінде Қандыағаш қалалық №2 жалпы білім беретін орта мектебінің  бастауыш сынып мұғалімі Гүлхан Байтулекова «Мұғалімнің кәсіби құзыреттілігі-нәтижелі білім берудің негізі»,  Қандыағаш қалалық №1 жалпы білім беретін орта мектебінің  бастауыш сынып мұғалімі  Жеңісгүл Калжанова «Бастауыш сыныпта интербелсенді әдістерді қолдану арқылы кісіби құзіреттілікті арттыру», Ембі қалалық  №3 жалпы білім беретін мектебінің бастауыш сынып мұғалімі  Орынгүл Мукиева «Кәсіби құзыреттілікті арттыру-құндылыққа негізделген бастауыш сыныптағы сабақтар»  тақырыптарында шебер-кластар өткізді. Сонымен қатар, Қандыағаш қалалық  №5 жалпы білім беретін орта мектебінің бастауыш сынып мұғалімі Алиса Ізтұрғанова «Профессиональная компетентность учителя в использовании активных методов обучения на уроках в начальных классах» тақырыбында коучинг өткізіп, оқытудың белсенді әдістерін көрсетті.

Семинардың практикалық бөлімінде Қандыағаш және Ембі  қалалық жалпы орта білім беретін мектептерінің  бастауыш сынып мұғалімдері іс-тәжірибелерімен  бөлісіп, жаңа әдіс-тәсілдерін практика жүзінде көрсетті.  Атап айтсақ, қазақ тілінен  «Сөз және оның мағынасы» тақырыбында Қандыағаш қалалық №2 жалпы білім беретін орта мектебінің бастауыш сынып мұғалімі Айымгүл Ергалиева, орыс тілінен «Окончание и основа слова. Части слова» тақырыбында Қандыағаш қалалық  №2 жалпы білім беретін орта мектебінің бастауыш сынып мұғалімі Сантура Сембекова,  Жаратылыстану пәнінен «Қанайналым  жүйесі» тақырыбында Қандыағаш қалалық  №4 жалпы білім беретін орта мектебінің бастауыш сынып мұғалімі Сәулет Жасағанберген оқытудың белсенді әдіс-тәсілдерін қолдана отырып, ашық сабақтар берді.

Ембі қалалық  №1 жалпы білім беретін орта мектебінің бастауыш сынып мұғалімі Асем Байкатова «Изменение глаголов по числам. Курмангазы гениальный кюйши композитор» тақырыбында панорамалық сабағын өткізіп, іс-тәжірибесін бөлісті.

 Семинар соңында «Ашық микрофон»  ұйымдастырылып, рефлексия жүргізілді. Семинар қатысушылары өз әсерлерімен бөлісіп, жылы лебіздерін білдірді.

 Ақтөбе облыстық ғылыми-тәжірибелік орталығының әдіскері, ф.ғ.магистрі С.О.Жубаева