2022 жылғы 18 қарашада Шалқар ауданы Әліби Жангелдин атындағы жалпы орта білім беретін мектебінің базасында бастауыш сынып мұғалімдеріне арналған «Мұғалімнің кәсіби дамуы-білім беру жүйесін жаңартудың негізі» тақырыбында облыстық семинар-практикум өткізілді.

Семинар-практикум жұмысы облыстық ғылыми-тәжірибелік орталығының әдіскері, ф.ғ.магистрі Светлана Жубаеваның кіріспе сөзімен ашылып, мектеп директоры Әлия Оспанованың  құттықтау сөзімен жалғасты.

Теориялық бөлімінде «Мониторинг-оқу тәрбие сапасына жасалатын жүйелі бағалаудың бірден-бір көзі» тақырыбында аудандық білім бөлімінің әдіскері Гүлзира Аманова  аудандағы атқарылған жұмыстарға және І тоқсан бойынша білім сапасының мониторигін жасады.

«Нұрсұлтан мен Алматы. Бас әріппен жазылатын сөздер» тақырыбында 1 сыныпқа арналған панорамалық сабағын №5 мектеп-лицейінің бастауыш сынып мұғалімі Ләззат Дәрменқұлова, «Оқытудағы белсенді әдіс-тісілдер» тәжірибе алмасу коучингін №8 жалпы білім беретін орта мектебінің бастауыш сынып мұғалімі Айнагүл Нурадинова өткізді. Оқушы қабілетін арттырудағы  тиімді  интерактивті әдіс-тәсілдердің түрлерімен сабақта ақпараттық технологияларды пайдаланудың тиімділігі мақсатында «Жаңа әдіс-тәсілдерді қолдану арқылы оқушы қабілетін дамыту» тақырыбында №8 жалпы білім беретін орта мектебінің бастауыш сынып мұғалімі Айназарова Гүлзира Данағұлқызы баяндама жасады.

Семинардың практикалық бөлімінде Әліби Жангелдин атындағы жалпы орта білім беретін мектебінің бастауыш сынып мұғалімдері іс-тәжірибелерімен  бөлісіп, жаңа әдіс-тәсілдерін практика жүзінде көрсетті. 

«Оюлар» тақырыбында 4 «Ә» сыныбында  әдебиеттік  оқу пәнінен Жайнагүл Мұқанова  «Суретті сөйлет», «Сәйкестендір» тәсілдерін пайдаланып, «Plickers» әдісімен қалыптастырушы  бағалау жүргізді. Сабақ барысында оқушылар  өздерінің ұпай сандарын көру арқылы өздерін бағалады.

 «Менің мектебім» тақырыбында 2 «Ә» сыныбында дүниетану пәнінен Ешниязова Манар,  «Көп таңбалы сандарды екі таңбалы санға жазбаша бөлу» тақырыбында 4 «Ә» сыныбында математика пәнінен  Алтынзер Тайтенова,  «Ғ дыбысы мен әрпі» тақырыбында  1 «А» сыныбында әліппеден Зинеш Сарина саяхат сабақ, «Отбасындағы мерекелер» тақырыбында 1 «Б» сыныбында дүниетанудан Гүлмира Бақтыбаева .

Математика пәнінен алған білімін оқушылардың өмірде пайдалана білу, тез шапшаң есептеу, ой-өрісін дамыту, сыну ойлауға үйрету мақсатында «Математикалық калейдоскоп» интеллектуалдық ойынын 3 «А» сыныбында Асылова Майра сыныптан тыс шарасын өткізді.

   Семинар соңында Ж.Ерғалиева мен А.Ординаның ұйымдастыруымен рефлексия жүргізілді. Семинар қатысушылары өз әсерлерімен бөлісіп, жылы лебіздерін білдірді.

 Ақтөбе облыстық ғылыми-тәжірибелік орталығының әдіскері, ф.ғ.магистрі С.О.Жубаева