Ақтөбе облыстық  ғылыми-тәжірибелік  орталығы, психологиялық-әлеуметтік қолдау бөлімінің ұйымдастыруымен  ағымдағы  жылдың 15-16 қыркүйек  күндері  облыстық білім беру бөлімдеріндегі  педагог-психолог қызметін үйлестіруші әдіскерлерге, білім беру ұйымдарындағы  тәрбие ісі орынбасарларына,   педагог-психологтар мен  әлеуметтік педагогтерге арналған «БІЛІМ АЛУШЫ ӨМІРІНДЕГІ ҚАУІПТІ ИНДИКАТОРЛАР» тақырыбында семинар өткізді.

Семинар барысында педагогтер  МОБИЛЬДІ ТОП жұмысын тиімді  ұйымдастырудың жолдарына талдау жасады. 

Психологиялық-әлеуметтік қолдау бөлімінің меңгерушісі, психология мамандығы бойынша әлеуметтік ғылымдар магистрі  Жубандыкова Меруерт Күнболқызы -  қазіргі білім алушылардың өміріндегі келеңсіз жағдай орын алған кездегі  психоэмоционалды жай-күйіне және мінезіндегі өзгерістерге психологиялық  қолдау көрсету мүмкіндіктерінің  өзектілігіне ерекше мән берді.

СПИКЕРЛЕР: С.Б.Байдуашова, Б.Т.Колкабаев, А.С.Картбаева.

Бекмұрат Терекбаевич – аутодеструктивті мінез-құлық индикаторларын түсіндіріп, маңыздылығын көрсетті.

Алтынай Сазанбаевна  - ведомствоаралық әрекет ету алгоритмінің тиімділігін таныстырып, байланысты нығайту жолдарын атап өтті.

Сандигуль Базаркуловна  -  Д.Стотт бойынша бақылау картасының жүргізілу барысын және қауіпті өмірлік жағдайдағы білім алушыны зерттеуге болатын тиімді диагностика ретінде ақпараттындырды.

Семинар соңында қатысушыларға семинардан алған  ақпаратты  өз аудандарындағы әріптестерімен және ата-аналарымен  бөлісу  ұсынылды.