Ақтөбе облыстық ғылыми-тәжірибелік орталығының ұйымдастыруымен  Шалқар аграрлық-техникалық колледжінің педагогтеріне  облыстық семинар өтті. Семинар барысында педагогтерді аттестатаудан өткізу қағидалары,  колледждің тәрбие бағытында атқарылатын жұмыстары туралы баяндама жасалды.  Сондай-ақ, арнайы пәндерді оқытуды ұйымдастыру, студенттердің сабаққа қызығушылығын арттыру бойынша шебер класстар өткізілді. Семинар соңында «Студент. Ата-ана. Педагог» моделін ұсыну  тренингі ұйымдастырылды. Ашық диалогтық алаңда сұрақ-жауаптар мен ұсыныстар айтылып, семинар қорытындыланды.