Ақтөбе облыстық ғылыми-тәжірибелік орталығының жұмыс жоспарына сәйкес «Кәсіби құзыретті маман-уақыт талабы» тақырыбында ТжКББ ұйымдарының арнайы пән оқытушылары мен өндірістік оқыту шеберлеріне арналған облыстық семинар өтті.
Семинарда Ақтөбе көлік, коммуникация және жаңа технология колледжінің озық тәжірибелі педагогтерінің іс-тәжірибелері таратылды. Сондай-ақ, техникалық мамандықтардың ерекшелігі туралы баяндалып, сабақ берудің әдіс-тәсілдері бойынша түрлі шебер кластар мен панорамалық сабақтар көрсетілді.
Семинар соңында орталықтың психологиялық-әлеуметтік қолдау бөлімінің психолог-әдіскері С.Байдуашова «Мен кіммін?» тақырыбында тренинг ұйымдастырып, әр педагог өз құзыреттіліктерінің деңгейін бағалай алды.
Ашық диалог алаңында тыңдаушылармен кері байланыс жасалып, пікірлері мен ұсыныстары тыңдалды.