Ақтөбе облыстық ғылыми - тәжірибелік орталығының ұйымдастыруымен 2022 жылғы 28 ақпан күні «Бастауыш сынып оқушыларының цифрлық сауаттылығын  қалыптастыру ерекшеліктері»  тақырыбында облыстық онлайн-семинар өтті.  

Іс-шараның негізгі мақсаты 1-сыныпқа арналған «Цифрлық сауаттылық» пәнінің  жүргізілуі бойынша педагогтерге әдістемелік көмек көрсету.

Семинардың ашылуында Ақтөбе облыстық ғылыми-тәжірибелік орталығы ІТ бөлімінің әдіскері, п.ғ.м., Габбасова Жадыра Талаповна   «Цифрлық сауаттылық»  оқу пәні 2022 жылдың 1 қаңтарынан бастап алғаш рет 1-сыныпқа енгізіліп отырғанына тоқталып, цифрлық сауаттылық – оқу мен жазу сияқты негізгі дағдылардың біріне айналғанын, сондықтан балаларды цифрлық сауаттылық және ақпараттық қауіпсіздік негіздеріне мүмкіндігінше ертерек үйрету маңыздылығын атап өтті.  

Семинар барысында Әбіш Кекілбаев атындағы № 72 жалпы білім беретін орта IT мектеп-лицейінің информатика пәні мұғалімі Жумагулова Нургул  Айтугановна «Бастауыш сыныптарда цифрлық сауаттылық пәнін оқытуда TopIQ  платформасын пайдалану»  тақырыбында платформа жұмысын түсіндіріп, баяндама жасады.

Сондай-ақ, Қобда ауданы, Ә.Молдағұлова атындағы орта мектебінің информатика пәні мұғалімі Есибекова Анара Конысовна, «Бастауыш сыныпта цифрлық сауаттылық пәнін оқытудағы ойын сәттері» тақырыбында оқытудың интерактивті сервистері – WordWall интерактивті тапсырма құру, әр пән бойынша оқу-әдістемелік қосымшалар жасауға мүмкіндік беретін LearningApps.org платформасын қолдану жайлы, «Эффективное обучение цифровой грамотности младших школьников» тақырыбында №1 Хромтау орта мектебінің информатика пәні мұғалімі Уразова Олеся Амандыковна оқушылардың алған білімдерін күнделікті өмірде қолдана алу аясын кеңейту  және оларды қабылдауға мүмкіндік жасау мақсатында өз іс-тәжірибелерімен бөлісті.

Аталған шараға облыстың 150-ге жуық информатика пәні мұғалімдері қатысып, теориялық білімі мен тәжірибелік шеберлігін шыңдады.

Қатысушы педагогтермен «Тамаша идеялар» әдісімен кері байланыс жасалып, өзара ашық сұхбат жүргізілді.