Ақтөбе облыстық ғылыми-тәжірибелік орталығының 2022 жылдық жоспарына сәйкес облыстық білім беру ұйымдарындағы педагог-психологтары мен әлеуметтік педагогтеріне арналған «Жыныстық тәрбие және балалар мен жасөспірімдер арасындағы ерте жүктіліктің алдын алу» тақырыбында онлайн семинар – практикум ұйымдастырылды.

Осы шараны Ақтөбе ғылыми-тәжірибелік орталық директорының орынбасары Ж.Исатаева алғы сөзімен ашты. Сонымен қатар, психологиялық-әлеуметтік қолдау бөлімінің әдіскер-психологы, магистр А.Тоқсанбаева «Z-ғасырындағы жасөспірімдердің жыныстық дамуы» тақырыбында, әдіскер-психолог М.Жасжанова «Репродуктивті денсаулық, саналы ата-ана болуды қалыптастыру, балалардағы жауапкершілік сезімдерін дамыту» тақырыптарында теориялық және практикалық бағытта психологиялық терапиядағы әдіс-тәсілдермен бөлісті. Семинар соңында облыстық педагог-психологтар мен әлеуметтік педагогтер алдағы уақытта да осындай шаралар офлайн форматында өткізілсе екен деген, кері байланыстарымен бөлісті.