2021 жылдың 14 мамыр күні облыстық ғылыми-тәжірибелік орталығының жоспарына сәйкес Хромтау ауданы МДҰ эксперименттік алаң жұмысының қорытындысы бойынша онлайн форматта «Шығармашылық пен ізденіс» тақырыбында көрме-семинары өтті. Семинарға мектепке дейінгі ұйым педагогтері қатысты.
Мақсаты: эксперименттік алаң бойынша жұмыстанған мектепке дейінгі ұйымдардың үш жылдық эксперименттік жұмыстарының іс-тәжірибелерімен бөлісу және шығармашылықпен жұмыс жасайтын педагогтердің тәжірибесін тарату.
Семинар барысында № 5 «Ақбота» бөбекжай-балабақшасы «Мектеп жасына дейінгі балаларға ертегі терапиясын қолдану арқылы креативті ойлауын дамыту», № 6 «Ақкөгершін» бөбекжай-балабақшасы «Балабақша мен отбасының ынтымақтастығына қатысты заманауи тәсілдері», № 7 «Еркетай» бөбекжай-балабақшасы «Робототехниканы пайдалану арқылы баланың құрастыру қабілетін дамыту», № 8 «Тұлпар» бөбекжай-балабақшасы «Мектепке дейінгі жастағы балалардың танымдық процестерін құм терапиясы арқылы дамыту» тақырыптарында үш жылдың эксперименттік жұмыс нәтижелері мен іс-тәжірибелерімен бөлісті.
Педагогтер панорамалық бейне-сабақтарды көрсету арқылы өз тақырыптарына сәйкес зерттеген мәселелері, алынған тақырыптары бойынша жинақтаған материалдарын, қолданған әдіс-тәсілдерін және педагогикалық технологияларын көрсетті.