МҰҒАЛІМДЕРДІҢ ОБЛЫСТЫҚ ПӘНДІК

АССОЦИАЦИЯСЫ ТУРАЛЫ

Е Р Е Ж Е

1. Жалпы ережелер

1.1. Мұғалімдер ассоциациясы облыстың жалпы білім беретін мектептерінің педагогтерін біріктіреді.

1.2. Мұғалімдер ассоциациясының қызметі осы Ереже шеңберінде жүзеге асырылады.

1.3. Ассоциация қызметі демократия, жариялылық және оның мүшелерінің тең құқылығы қағидаттарына негізделеді.

1.4. Ассоциацияның ұйымдастырушылық-техникалық мәселелерін Ақтөбе облыстық ғылыми-тәжірибелік орталығы, аудандық және қалалық әдістемелік кабинеттері қамтамасыз етеді.

1.5. Ассоциацияның өз атрибуттары болуға құқығы бар.

 

2. Қызметтің міндеттері мен нысандары

2.1. Мұғалімдер ассоциациясы қызметінің мақсаттары:

озық педагогикалық тәжірибені тарату;

педагогикалық қызметкерлердің кәсіби қарым-қатынас ауқымын кеңейту.

 2.2. Осы мақсаттарға жету үшін мұғалімдер ассоциациясы:

білім беру бағдарламалары мен жобаларын іске асырудың оң тәжірибесі туралы облыстық деңгейде ақпарат алмасу және тарату;

педагогтерге арналған конференциялар мен форумдар;

семинарлар, шығармашылық шеберханалар және шебер-класстар ұйымдастырады.

2.3. Мұғалімдер ассоциациясы ақпараттық бюллетень шығарады.

 

3. Ассоциацияны басқару

3.1. Мұғалімдер ассоциациясын басқаруды алқалы орган – мұғалімдер ассоциациясының кеңесі (бұдан әрі: Ассоциация кеңесі) жүзеге асырады.

3.2. Ассоциация кеңесін төраға басқарады. Төрағаны облыстық білім басқармасының басшысы бірінші рет бір жыл мерзімге тағайындайды, одан әрі мұғалімдер ассоциациясы мүшелерінің жалпы жиналысының шешімі бойынша мұғалімдер ассоциациясы мүшелерінің көпшілік дауысымен қарапайым дауыс беру арқылы тағайындалады. Төраға мұғалімдер ассоциациясының Кеңесін шақырады.

3.3. Ассоциация кеңесі ассоциация мүшелеріне бірыңғай электрондық пошта, топ (әлеуметтік желілерде) құрады.

3.4. Мұғалімдер ассоциациясы мүшелерінің жалпы жиналысы жылына кемінде бір рет жиналады. Мұғалімдер ассоциациясы мүшелерінің жалпы жиналысы, егер оның жұмысына ассоциация мүшелерінің кемінде 50% қатысса, оған қоса бір дауыс қатысса өтті деп есептеледі.

3.5. Ассоциация кеңесі мұғалімдер ассоциациясы жұмысының негізгі бағыттарын анықтайды. Ассоциация кеңесі бекітілген жоспар бойынша жұмыс істейді.

 3.6. Мұғалімдер ассоциациясының кеңесі ассоциация мүшелерінің жалпы жиналысында оқу жылындағы жұмысы туралы есеп береді.

3.7. Ассоциация кеңесі мұғалімдер ассоциациясының мүшелігіне қабылдауды, сондай-ақ ассоциациядан шығаруды жүзеге асырады.

3.8. Ассоциация кеңесі мұғалімдер ассоциациясы туралы ережеге өзгерістер енгізеді, олар мұғалімдер ассоциациясы мүшелерінің жалпы жиналысында бекітілуі тиіс.

 

4. Ассоциация Кеңесінің құжаттамасына жатады:

оқу жылына арналған жұмыс жоспары;

Кеңес отырыстарының хаттамалары;

аналитикалық материалдар;

ассоциация мүшелерінің әдістемелік әзірлемелері.

 

5. Мұғалімдер ассоциациясының мүшелері, олардың құқықтары мен міндеттері

5.1. Кәсіби қызметінде жоғары нәтиже көрсеткен жалпы білім беретін мектептердің педагог қызметкерлері мұғалімдер ассоциациясының мүшесі бола алады:

аудандық және облыстық деңгейдегі әдістемелік жұмыс саласында;

балалармен тікелей жұмыс істеу барысында және әр түрлі деңгейдегі олимпиадалар мен конкурстар соңғы маңызды нәтижелерге қол жеткізу саласында;

5.2. Мұғалімдер  ассоциациясының мүшесін тіркеу онлайн режимінде сауалнама арқылы жүзеге асырылады.

5.3. Мұғалімдер ассоциациясының мүшелерінің құқығы бар:

өзінің кәсіби қызметінде ассоциация қызметі туралы ақпаратты пайдалануға;

семинарларға, шығармашылық шеберханаларға, шебер-кластарға, конференцияларға, форумдарға қатысуға;

пәндерді оқытудың нұсқаулық-әдістемелік ұсынымдарының жобаларын талқылауға қатысу және ұсыныстар енгізу.

5.4. Мұғалімдер ассоциациясының мүшелері міндетті:

осы Ережені сақтау;

олар жұмыс істейтін білім беру мекемесінің ішінде ассоциация қызметін насихаттауды жүзеге асыру;

ассоциация кеңесін жалпы білім беретін мектептегі жағдай, іс-шаралар, проблемалар, жаңа жобалар туралы үнемі хабардар ету.

5.5. Мұғалімдер ассоциациясына мүшелік  ассоциация кеңесінің шешімімен жеке жазбаша өтініш негізінде немесе отырысқа қатысушы Кеңес мүшелерінің көпшілік дауысының қарапайым дауыс беруі кезінде ассоциация кеңесінің шешіміне негізделген басқа жағдайларда тоқтатылады.

 

6. Мұғалімдер ассоциациясын тарату және қайта құру

6.1. Мұғалімдер ассоциациясын қайта ұйымдастыру немесе тарату мұғалімдер ассоциациясы мүшелерінің жалпы жиналысының шешімі бойынша жүзеге асырылады.

6.2. Ассоциация өз қызметін мұғалімдер ассоциациясы мүшелерінің жалпы жиналысының кемінде үштен екісі бекіткен шешім негізінде тоқтатады.

Ақтөбе облысындағы пән мұғалімдерінің ассоциациясының жұмысы

туралы ақпарат

Облыста Ы.Алтынсарин атындағы Ұлттық білім академиясының бастамасымен жалпы білім беретін мектеп мұғалімдеріне әдістемелік қолдау көрсету мақсатында облыстық білім басқармасының 2020 жылғы 17 наурыздағы №75 бұйрығы негізінде 17 пән бойынша пәндік ассоциациялар құрылып, олардың көшбасшылары бекітілді. Пәндік ассоциацияның қызметін ұйымдастыру бойынша жалпы ереже жасақталды.   

       Пәндік ассоциация қызметінің мақсаттары:

• озық педагогикалық тәжірибені тарату;
• педагогикалық қызметкерлердің кәсіби қарым-қатынас ауқымын кеңейту.

      Осы мақсаттарға жету үшін ассоциациялар:

• білім беру бағдарламалары мен жобаларын іске асырудың озық тәжірибесі туралы облыстық деңгейде ақпарат алмасу және тәжірибе тарату;
• педагогтерге арналған конференциялар мен форумдар ұйымдастыру;
• семинарлар, шығармашылық шеберханалар және шебер-класстар өткізу;
• қашықтан оқыту жағдайында пән мұғалімдеріне әдістемелік қолдау көрсету бойынша қызмет атқарады.

2020-2021 оқу жылынан бастап әр пән бойынша ассоциациялар жалпы ережеге сәйкес өздерінің пән бойынша жұмыс жоспарын, кеңес құрамын бекітіп, ассоциация жұмысын жандандыруда.  

Мәселен, облыстық тарих пәні ассоциацияның жұмыс жоспары бойынша «Бағалау құралдарын құрастырудың тиімді жолдары» тақырыбында онлайн семинар ұйымдастырылды. «Бөлім бойынша жиынтық бағалау тапсырмасын құрастыру», «Тоқсандық жиынтық бағалау тапсырмасына қойылатын талаптар» «Қашықтан оқыту жағдайында бөлім бойынша жиынтық бағалаудың тиімді жолдары» туралы түсінік жұмыстарын жүргізіп, мұғалімдердің тақырып бойынша туындаған сұрақтарына жауап беріліп, әдістемелік көмек көрсетілді.

Сонымен қатар жаңартылған білім беру жағдайында химия пәнін оқытуда пән мұғалімдерінің кәсіби шеберліктерін жоғарылату мақсатында пәндік ассоциация мүшелерінің қатысуымен «Жаңартылған білім беру жағдайында химия пәнін оқытуда қолданылатын тиімді әдіс-тәсілдер» облыстық онлайн вебинары өтті. Вебинар ZOOM платформасында және орталықтың YouTube каналында трансляцияланды.  Шара барысында оқушыларды ғылыми жоба дайындауға баулудың әдістемелік негізі, сабақты өзіндік зерттеу қорытындылары, «Сын тұрғысынан ойлау технологиясын химия сабақтарында қолдану», «Химия пәнінде эвристикалық технология арқылы зерттеушілік қабілетті арттыру», «Химия сабақтарында оқушылардың ғылыми-жаратылыстану сауаттылықтарын арттыру» тақырыптары талқыланды.

Облыстың математика пәні мұғалімдерінің ассоциациясының жұмыс жоспары барысында физика пәні бойынша облыстық ассоциациясының ұйымдастыруымен  қашықтан «Физика пәнін оқытуда білім сапасын арттырудағы 10 балдық бағалау жүйесі» атты семинар өткізілді. Шарада физика пәнін оқытуда 10 балдық  жүйенің маңызын түсіндіру мақсаты көзделді. Сондай-ақ, ассоциацияның ұйымдастыруымен физика  пәні мұғалімдері арасында облыстық шығармашылық  конкурсы өткізілді. Байқау -шығармашылықпен жұмыс жасайтын  педагогтерді анықтап, оларға қолдау көрсетіліп, кәсіби шеберліктерін арттыру мақсаттарында өткізілді.

         Математика пәні бойынша ассоциация мүшелерінің қатысуымен оқу-тәрбие үрдісіне алдыңғы қатарлы инновациялық әдіс-тәсілдерді енгізу, білім алушының өздігінен жұмыс жүргізу әрекеттерін жетілдіру арқылы жеке тұлғаның сыни көзкарастарын қалыптастыру мақсатында онлайн кеңес өткізілді.

Мұғалімнің шығармашылық әлеуетін дамыту арқылы бастауыш сынып мұғалімдерінің аудандық және мектепшілік әдістемелік бірлестіктерінің жұмысына әдістемелік қолдауды қамтамасыз ету мақсатында ағымдағы жылдың 10 қарашасында «Білім беру сапасын арттыру (проблемалар, оларды шешу жолдары мен тетіктері, нәтижелері) және бастауыш сынып мұғалімдерінің кәсіби құзыреттілігін дамыту» тақырыбында отырыс өткізілді.

Қазіргі уақытта қашықтан оқыту жағдайында пән мұғалімдеріне әдістемелік қолдау көрсету мақсатында Bilimland.kz платформасында орналасқан жеке пәндер бойынша берілген материалдардың мазмұны мен тапсырмаларға талдау жүргізіп, ұсыныстар дайындауда.

Барлық пәндік ассоциациялар бойынша әлеуметтік желіде Телеграмм бот каналында тәжірибе бөлісу, пікір алмасу мақсатында пән мұғалімдерінің чаттары жұмыс жасайды.

 

 

---

---