Ақтөбе облыстық әдістемелік орталығының ұйымдастыруымен ағымдағы жылдың 30 қазан-01қараша күндері аралығында Ақтөбе қаласының  №51 гимназия базасында дебат  жетекшілеріне арналған «Дебат жүргізудің негізгі ережелері, элементтері және техникасы» тақырыбында үш күндік оқыту семинар-практикумы өтті. Аталған оқу семинарына  13 ауданнан 36 пікірсайыс жетекшілері мен білім бөлімінің жауапты әдіскерілері қатысты. Семинарда  практикалық бөлім ғана емес, осы жылғы пікірсайыстағы өзгерістерді түсіндіру жұмыстары жүргізілді. Іс-тәжірибесімен №51 гимназиясының ағылшын тілі мұғалімі Жәкен Нүркен Дәуітбайұлы мен М.Құрманғалиева атындағы №32 мектеп гимназиясының тарих пәні мұғалімі Снасапин Темірлан Бірімбетұлы бөлісті. Шараның үшінші күні  қатысушылар арасында 16 фракция құрылып пікірсайыс турнирі ұйымдастырылды. Турнир барысында ашық төрешілік етіліп, ойыншылар бір-бірімен кері байланыс жасады. Семинар соңында барлық қатысушыларға сертификат табысталып, І орынға ие «Ойдария» командасына кубок және І орын дипломы  табысталды. Осылайша, үш күндік семинар өз мәресіне жетті. Оқыту семинарына қатысушылар аталған үш күн бойы тек білім мен тәжірибе алып қана қоймай, жетекшілердің арасында арнайы коммюнити құрды.