2024 жылға арналған облыстық мобильді топтың жұмыс жоспары
2025 жылға арналған облыстық мобильді топтың жұмыс жоспары
2026 жылға арналған облыстық мобильді топтың жұмыс жоспары
Балаларды ерте дамыту мәселелері бойынша әдістемелік кабинеттер жанындағы МОБИЛЬДІ ТОПТАР
«Баланың тілі – болашақтың кілті: мектепалды сыныбында цифрлық әдістер» тақырыбында облыстық семинар өтті
https://bilimaktobe.kz/kz/doshkol-noe-obrazovanie/rabochij-plan-mobil-noj-gruppy#sigFreeIde414228d91
2026 жылғы 18 ақпанда Ақтөбе облыстық әдістемелік орталығының ұйымдастыруымен мектепалды сынып тәрбиешілеріне арналған «Баланың тілі – болашақтың кілті: мектепалды сыныбында цифрлық әдістер» тақырыбында облыстық семинар өткізілді.
Семинардың мақсаты — мектепалды сынып тәрбиеленушілерінің тілдік құзыреттілігін дамытуда заманауи цифрлық әдістерді тиімді қолдану жолдарын көрсету, тәжірибе алмасу.
Іс-шараға Ақтөбе қала және аудан мектептерінен мектепалды сынып тәрбиешілері қатысты. Семинар №33 қазақ орта жалпы білім беру мектебінде өтті. Аудан тәрбиешілері ZOOM платформасы арқылы қашықтан қатысты.
Семинардың ашылуында Ақтөбе облыстық әдістемелік орталығы директорының орынбасары Жалғас Нұрлыгүл Жалғасқызы құттықтау сөз сөйлеп, тақырыптың өзектілігін және мектепалды сыныбында цифрлық әдістерді жүйелі және орынды қолдану маңыздылығын атап өтті.
Семинар барысында педагогтер өздерінің практикалық тәжірибелерімен және тиімді цифрлық әдіс-тәсілдерімен бөлісті: «Цифрлық әдістер-мектепалды жастағы баланың сөйлеу құзіреттілігін қалыптастырудың заманауи құралы» Кадирова Гулзира Жарасовна «Ақтөбе орта мектебі» КММ», Кудабаева Асел Амирбековна Темір ауданы, Шұбарқұдық кенті, №1 Шұбарқұдық мектеп-гимназиясының мектепалды сыныбының тәрбиешісі «Цифрлық ойындар арқылы мектепалды жастағы баланың тілін дамыту», Жуканова Айгуль Жайлыбаевна №82 ЖББОМ мектепалды сыныбының тәрбиешісі «Цифрлық әдістер арқылы дабысты дұрыс айтуға үйрету», Хакимов Нуржайнар Аминжановна – Әйтеке би ауданы, Талдысай ауылы, Талдысай ЖООБ мектебінің мектепалды сыныбының тәрбиешісі «Балалардың ой-өрісін дамытуда цифрлық әдістерді қолданудың тиімділігі», Длекшова Гульдана Бакитжановна №82 ЖББОМ мектепалды сыныбының тәрбиешісі «Балалардың байланыстырып сөйлеу тілін дамытуда ЖИ элементтерін қолдану», Шуйтенова Нурзипа Мырзалиевна №29 орта мектеп КММ мектепалды сыныбының тәрбиешісі «Цифрлық ойындар арқылы баланың сөздік қорын дамыту», Ермекбаева Акмарал Умирзаковна №33 ҚОЖББМ КММ мектепалды сыныбының тәрбиешісі «AR/ VR элементтері арқылы ертегілер әлеміне саяхат».
Семинар соңында қатысушылармен кері байланыс жүргізіліп, қойылған сұрақтарға жауаптар берілді. Қатысушылар семинардың цифрлық технологиялық тәжірибе алмасу бағытында ұйымдастырылған, ұсынылған материалдар қазіргі заман талабына сай практикалық маңыздылығын бар екенін атап өтті.
Орындаған: Ж. Жолмаханова, Ақтөбе облыстық әдістемелік орталығының әдіскері
