Ақтөбе облыстық әдістемелік орталығы
Актюбинский областной методический центр

Ұлттық құндылықтарға негізделген тәрбие – ұлт болашағы

2025 жылдың 14 ақпан күні Байғанин орта мектебінде тәрбие жұмысының сапасын арттыру және тұлғаны тәрбиелеудің біртұтас жүйесін қалыптастыру мақсатында "Ұлттық құндылықтарға негізделген тәрбие – ұлт болашағы" тақырыбында облыстық көшпелі семинар өтті.

Семинарға Ақтөбе облысының аудандарынан келген директордың тәрбие жұмысы жөніндегі орынбасарлары, әдіскерлер және педагогтар қатысты.
Семинардың ашылуында оқушылар өз өнерлерін көрсетіп, мектеп фойесінде оқушылар, ата-аналар мен ұстаздардың туындыларынан көрме ұйымдастырылды.
Біртұтас тәрбие бағдарламасын жүзеге асыру мақсатында "Ұлттық ойын – ұлт қазынасы", "Ұлттық тәрбие бастауы – отбасы" тақырыптарында тәрбие сағаттары өткізілді. Сонымен қатар, математика пәнінде ұлттық құндылықтармен ұштастырылған "Ондық бөлшектерді есептеу" тақырыбында ашық сабақ ұйымдастырылды. "Ата-аналарды педагогикалық қолдау" орталығының жұмысы аясында "Аналар" мектебінің шеберлік сағаттары өтті.
"Біртұтас тәрбие" бағдарламасындағы "Қамқор", "Smart bala", "Балалар кітапханасы", "Шабыт" жобалары қатысушылардың ерекше назарын аудартты.
Семинарды қорытындылау барысында әріптестер кері байланыс жасап, оның мазмұнды, пайдалы әрі құнды болғанын ерекше атап өтті. Қатысушылар өзара іс-тәжірибе алмасқан бұл облыстық көшпелі семинардан ерекше әсер алды.

«Тәрбие жұмысын тиімді ұйымдастырудағы формалар мен әдістер» тақырыбында облыстық оқыту семинары

2024 жылдың 23 ақпанында«Тәрбие жұмысын тиімді ұйымдастырудағы формалар мен әдістер»тақырыбында облыстық оқыту семинары өтті. Семинарға Алға ауданы бойынша 90 директордың тәрбие ісі жөніндегі орынбасарлары мен сынып жетекшілері қатысты.

Семинарда келесі мәселелер қаралды:

- «Біртұтас тәрбие бағдарламасын» іске асыру;

- Ата-аналарды педагогикалық қолдау орталығының қызметін ұйымдастыру;

- Білім беру саласындағы жобаларды жүзеге асырудың тиімді жолдары;

- Кәмелетке толмағандар арасындағы құқық бұзушылықтың алдын алу жөніндегі Кеңесінің жұмысын ұйымдастыру.

А.М. Наренова,Қосымша білім беру және тәрбие бөлімінің жетекшісі

БІРТҰТАС ТӘРБИЕ: ІЗДЕНІС. ИННОВАЦИЯ. ТӘЖІРИБЕ

Ақтөбе облыстық әдістемелік орталығының жұмыс жоспары аясында Қобда ауданында кезекті «БІРТҰТАС ТӘРБИЕ: ІЗДЕНІС. ИННОВАЦИЯ. ТӘЖІРИБЕ» тақырыбында облыстық көшпелі семинары өтті. Семинардың алғы сөзінде Ақтөбе облыстық әдістемелік орталығы қосымша білім беру және тәрбие бөлімінің әдіскері А.Смагулова сәттілік тілектерімен және бағдарламаның орындалуындағы мақсат-міндеттерімен таныстырды. Іс-шара қатысушылары мен қонақтары Қобда аудандық білім бөлімінің “Біртұтас тәрбие” платформасының ашылуына куәгер болды. Платформаның заманауи тәрбие процесіне қажетті инновациялық және жүйелі тәсілдерді анықтап, тәжірибеде қолданудың маңыздылығын аудандық білім бөлімінің басшысы Т.Абен презентациялады. Сондай-ақ, семинар барысында “Біртұтас тәрбие” бағдарламасын жүзеге асыруда оқушылар арасында ұйымдастырылатын іс-шаралардың тәжірибелік тарату жұмыстарының нәтижесі жаңа перспективалар ашатынын әдістемелік кабинеттің әдіскері Б.Калжигитова айқындап атап өтті. Осы орайда, облыстық көшпелі семинардың жұмыс барысында Қобда ауданы білім беру ұйымдарының тәрбие орынбасарлары шебер - класс пен фасилитациялық отырыс кезеңінде бағдарлама аясындағы жобалар мен құндылықтарды жаңа инновациялық тәсілдер арқылы, яғни шараның маңыздылығы болып табылатын - жасанды интеллектпен байланыстырудың әдіс-тәсілдерін көрсетті:
1. Инновациялық әдістерді енгізу:
- «Smart Bala» жобасы – балаларды өнертапқыштыққа баулудың бастамасы;
- Зияткерлік ойындар мен кітап кейіпкерлері арқылы шығармашылықты дамыту – оқушылардың ойлау қабілетін және қиялын жетілдірудің тиімді тәсілі;
2. Кешенді тәрбие беру:
- Қауіпсіздік тақырыптарын тәрбие жұмысына енгізу – оқушылардың қауіпсіздік туралы білімін тереңдетеді;
-Мамандыққа бағдарлау – оқушылардың болашаққа саналы түрде дайындалуына ықпал етеді.
3. Ата-аналармен байланыс:
- Педагогикалық қолдау орталықтарының жұмысы – ата-аналар мен мектеп арасындағы байланыс сапасын жақсартады.
Қорытынды бөлімінде, қатысушылар мен қонақтар семинардың нәтижесі - тәрбиелік жұмыс тәжірибені байытып, білім беру ұйымдарының тәрбие сапасын арттыруға ықпал ететінін және аталған шаралар болашақ ұрпақты тәрбиелеуде бірегей мүмкіндіктер беретінін ашық микрофон арқылы білдірді.

«Біртұтас тәрбие бағдарламасы: құндылықтар және оны іске асыру жолдары»  облыстық көшпелі семинар

Ақтөбе облыстық әдістемелік орталығының жоспарына сәйкес тұлғаны тәрбиелеудің біртұтас жүйесін құру арқылы мектептегі тәрбие жұмысын сапалы түрде ұйымдастыру жолдарымен бөлісу мақсатында «Біртұтас тәрбие бағдарламасы: құндылықтар және оны іске асыру жолдары» атты облыстық көшпелі семинар Алға ауданында өтті.

Семинар барысында «Біртұтас тәрбие» бағдарламасы және бағдарлама аясында  жүргізілетін жобалардың орындалуы және «Ата-аналарды педагогикалық қолдау орталығының» жұмысы көрсетілді.

«Ұлттық құндылық- ұлт қазынасы»  сынып сағаты, «Өнер көзі-халықта»  шебер класы көрсетіліп, педагогтер өз іс-тәжірибесімен бөлісті.

2025 жыл «Жұмысшы мамандықтар» жылына орай «Еңбегі адал - жас өрен жобасы» аясында «Жұмысшылар әлеміне» саяхат жасап, оқушылардың ой- пікірлері ортаға салынды.

Шара соңында қатысушылар «ашық микрофон» арқылы өз ойларымен бөлісті.

«Шеберліктің сан қыры» атты облыстық онлайн сынып сағаты өтті

Ақтөбе облыстық әдістемелік орталығының ұйымдастыруымен2025 жылғы 30 қаңтар күні сынып жетекшілерге арналған«Шеберліктің сан қыры»атты облыстық онлайн сынып сағаты өтті. Семинарға Ақтөбе облысының 100-ге жуық сынып жетекшісі қатысты.

Шара барысында Ақтөбе қаласыныңМ.Мақатаев атындағы №73 жалпы орта білім беретін мектебімен№58 жалпы білім беретін орта мектебініңсынып жетекшілері өз іс-тәжірибелерімен бөлісті.

Ашық микрофонкезеңінде қатысушылар пікір алмасып, көкейдегі сұрақтарына жауап алды. Семинар қорытындысы бойынша сынып жетекшілерінің кәсіби шеберлігін арттыруға бағытталған әдістемелік ұсыныстар берілді.

Бұл шара сынып жетекшілерінің кәсіби құзыреттілігін дамытуға, өзара тәжірибе алмасуға және жаңа білім беру технологияларын меңгеруге ықпал етті.

Сынып жетекшілеріне арналған семинарлар ай сайын өткізілетін болады. Ынтымақтастыққа шақырамыз.

«Біртұтас тәрбие» бағдарламасы - бала тәрбиелеудің басты рөлі» облыстық көшпелі семинар

«Біртұтас тәрбие бағдарламасындағы құндылықтарды білім алушылардың бойында қалыптастыру бойынша мектеп жұмысының тәжірибесімен бөлісу мақсатында«Біртұтас тәрбие» бағдарламасы- бала тәрбиелеудің басты рөлі» тақырыбында облыстық көшпелі семинар Мәртөк ауданында өтті.

Семинар барысында Ақтөбе облыстық әдістемелік орталығының әдіскері бағдарламаның бала тәрбиесіндегі маңызды рөліне тоқталса, Мәртөк ауданының Сарыжар жалпы орта білім беретін мектебінің директоры Г.К.Есентаева білім ордасында «Біртұтас тәрбие» бағдарламасы аясында жүргізіліп жатқан жұмыстармен таныстырып, «Әкелер мектебінің» рөлін атап өтті. Сонымен бірге, №2 Мәртөк мектеп-гимназиясының мұғалімі, «Үздік сынып жетекшісі -2024» байқауының облыстық кезеңінің І орын жеңімпазы, Республикалық кезеңнің ІІІ орын жүлдегері А.Ж.Дузбасова «Біртұтас тәрбие» бағдарламасын жүзеге асырудағы класс жетекшінің рөлі туралы айтса, «Вознесеновка жалпы орта білім беретін мектебінің мұғалімі, сыныпжетекші А.К.Нугмановақауіпсіздік сағаттары жинақталған телеграмм бот жұмысын көрсетті.

Шараның негізгі бөліміндеСарыжар ЖОББМ-нің мұғалімі Г.Е.Борашева «Жол тәртібін білейік, аман-есен жүрейік!» тақырыбында, Г.М.Акмамбетова «Буллингтен қорған!» тақырыбында сынып сағаттарын, ал С.Т.Жәшібай «Ата-аналардың эмоциялық күйреуі: оны қалай болдырмауға және жеңуге болады?» тақырыбында «Ата-аналарды педагогикалық қолдау орталығының» ата-аналармен сабағын көрсетіп, іс-тәжірибелерімен бөлісті.

Сонымен бірге, мектепте жобалар шеруі ұйымдастырылып, тәжірибелік бөлімде Сарыжар жалпы орта білім беретін мектебінің директордың тәрбие ісі жөніндегі орынбасары С.С.Керимова «Даналық мектебінің» жұмысы аясында қатысушылармен бірге киіз үйді тігу бойынша шебер сабақ ұйымдастырды.

Шара соңында қатысушылар «Ашық микрофон» алаңында өз әсерлерімен бөлісіп, осындай көшпелі облыстық семинарлардың ұйымдастырылуы тәрбие жұмысының одан әрі дамуына өз септігін тигізетіндігін атап өтті.

Наренова А.М., қосымша білім беру және тәрбие бөлімінің басшысы

«БІЛІМ БЕРУ МЕКЕМЕЛЕРІНДЕГІ ТӘРБИЕ ЖҰМЫСЫН ЖОСПАРЛАУ ПӘРМЕНДІЛІГІ» ОБЛЫСТЫҚ СЕМИНАР – КЕҢЕСІ

Ақтөбе облыстық әдістемелік орталықтың жоспарына сәйкес ағымдағы жылдың 6 қаңтар күні жаңадан тағайындалған мектеп директорының тәрбие жұмысы жөніндегі орынбасарларына арналған «Білім беру мекемелеріндегі тәрбие жұмысын жоспарлау пәрменділігі» тақырыбында облыстық семинар – кеңесі ұйымдастырылды.

Семинар аясында қатысушылар «Біртұтас тәрбие» бағдарламасын іске асыру жолдары», «Әлеуметтік жобалар»,  «Ата – аналарды педагогикалық қолдау орталығының жұмысын ұйымдастыру», «Буллингтің алдын алу жұмыстары», «Құқықбұзушылықтың алдын алуда Профилактикалық кеңес жұмысы», «Мектепішілік бақылау» тақырыптарында өзара тәжірибе алмасу мүмкіндігіне ие болды.

Сонымен қатар, жаңадан тағайындалған мектеп директорының тәрбие жұмысы жөніндегі орынбасарлары арасында «Біртұтас тәрбие» бағдарламасының жобалармен ұштасуы талқыланып, сөз сөйлеушілер тәрбие қызметінің пәрменділігін арттыруға бағытталған инновациялық тәсілдер мен практикалық тәжірибелерімен бөлісе білді.

Бұл семинар – кеңес білім беру мекемелеріндегі тәрбие сапасын арттыру және жаңадан тағайындалған тәрбие жұмысы жөніндегі орынбасарларына кәсіби дамуын қолдау мақсатында маңызды қадам болып табылады.

«БІЛІМ БЕРУ ЖАҒДАЙЫНДА ТӘРБИЕ ЖҰМЫСЫН ЖҮРГІЗУ ӘДІСТЕМЕСІ» ТАҚЫРЫБЫНДА ОБЛЫСТЫҚ ОҚЫТУ СЕМИНАРЫ

2024 жылдың 17 мамыр күні«Білім беру жағдайында тәрбие жұмысын жүргізу әдістемесі»тақырыбында облыстық оқыту семинары өтті. Семинарға Байғанин ауданы бойынша 56 директордың тәрбие ісі жөніндегі орынбасарлары мен сынып жетекшілері қатысты.

Семинар аясында келесі мәселелер қаралды:

- «Біртұтас тәрбие бағдарламасын» іске асыру;

- Ата-аналарды педагогикалық қолдау орталығының қызметін ұйымдастыру;

- Білім беру саласындағы жобаларды жүзеге асырудың тиімді жолдары;

- Кәмелетке толмағандар арасындағы құқық бұзушылықтың алдын алу жөніңдегі Кеңесінің жұмысын ұйымдастыру.

А.М. Наренова,Қосымша білім беру және тәрбие бөлімінің жетекшісі