Ақтөбе облысында инклюзивті білім беруді дамыту және ерекше білім беру қажеттіліктері бар балаларды қолдау мақсатында 2026 жылғы 27 наурыз күні облыс педагогтеріне арналған «Жалпы білім беретін мектеп жағдайында балаларды психологиялық-педагогикалық сүйемелдеу» тақырыбында облыстық семинар-практикум өткізілді.
Аталған іс-шараға қалалық психологиялық-медициналық-педагогикалық консультация мамандары, жалпы білім беретін мектептердің педагогтері және арнайы мамандары қатысты.
Семинар-практикумның негізгі мақсаты – жалпы білім беру ұйымдары жағдайында балаларды психологиялық-педагогикалық сүйемелдеудің тиімді жүйесін қалыптастыру, педагогтердің кәсіби құзыреттілігін арттыру және тәжірибе алмасу алаңын ұйымдастыру болып табылады.
Шара барысында психологиялық-педагогикалық сүйемелдеудің мазмұны мен қағидаттары, ерекше білім беру қажеттіліктері бар балаларды оқыту мен тәрбиелеудің заманауи тәсілдері, сондай-ақ жеке оқу бағдарламаларын әзірлеу және іске асыру мәселелері кеңінен қарастырылды.
Практикалық бөлімде педагогтер нақты кейстерді талдап, өз тәжірибелерімен бөлісіп, тиімді әдіс-тәсілдерді талқылады. Бұл өз кезегінде білім беру ұйымдары мен мамандар арасындағы өзара іс-қимылды нығайтуға мүмкіндік берді.
