Ақтөбе облыстық әдістемелік орталығы
Актюбинский областной методический центр

Ақтөбе облыстық білім басқармасының 2026 жылғы 24 сәуірдегі №196 бұйрығына сәйкес, жұмыс тобы Ақтөбе қаласындағы №57 жалпы білім беретін орта мектебінде зерделеу жұмыстарын жүргізді.

Зерделеу барысында мектептің оқу-тәрбие үдерісі сарапталып, мұғалімдерге әдістемелік көмек көрсетілді. Жұмыс тобының мүшелері тек бақылаумен шектелмей, мектеп ұжымымен «5Б жобасы: Сапалы оқыту мен нәтижелі оқудың жаңа парадигмасы» тақырыбында семинар-практикум өткізді.
Семинар аясында заманауи оқыту технологияларын қолдану, сабақты жоспарлау және оқушылардың функционалдық сауаттылығын арттыру бойынша нақты кейстер мен тиімді әдіс-тәсілдер көрсетілді. Мақсатымыз - білім сапасын арттыру жолында педагогтарға кәсіби қолдау көрсетіп, озық тәжірибелерді өзара бөлісу арқылы ортақ дамуға жол ашу.