Ағымдағы жылдың 22 сәуір күні «Мектепте ата-аналарды педагогикалық қолдау орталығының жұмысын тиімді ұйымдастыру» тақырыбында облыстық семинар-практикум ұйымдастырылды.
Іс-шараның негізгі мақсаты – білім беру ұйымдарындағы ата-аналарды педагогикалық қолдау орталықтарының жұмысын жетілдіру, тәжірибе алмасу және ата-аналармен тиімді өзара әрекеттесу жолдарын айқындау болды.
Семинар барысында қатысушылар өзара тәжірибе алмасып, ата-аналармен жұмыстың заманауи және тиімді тәсілдерін талқылады. Бағдарлама аясында шеберлік сыныптары, тренингтер және тәжірибелік жұмыстар ұйымдастырылып, қатысушылар белсенді түрде пікір алмасып, өз ойларымен бөлісті. Практикалық бөлімдерде ұсынылған әдіс-тәсілдер ата-аналармен байланысты нығайтуға, олардың мектеп өміріне белсенді қатысуын арттыруға бағытталды.
Семинар-практикум жоғары деңгейде ұйымдастырылып, өз мақсатына толық жетті. Қатысушылар іс-шараның мазмұнды әрі пайдалы өткенін атап өтіп, алынған тәжірибені алдағы уақытта өз жұмыстарында кеңінен қолдануға ниетті екендіктерін білдірді.
