Ақтөбе облыстық әдістемелік орталығы
Актюбинский областной методический центр

Ақтөбе облыстық әдістемелік орталығының ұйымдастыруымен «Pro-Qoldau» жобасы аясында педагог-зерттеуші санатына аттестаттаудан өтетін техникалық және кәсіптік білім беру ұйымдары оқытушыларының тәжірибесін Жайсаң, Қобда көпсалалы колледжі, Байғанин техникалық, Қандыағаш өнеркәсіптік-экономикалық колледждеріне ұсынуға бағытталған облыстық семинар ұйымдастырылды.

Педагогикалық ынтымақтастықты дамыту арқылы озық тәжірибемен алмасу және білім сапасын арттыру мақсатында ұйымдастырылған шарада Ақтөбе жоғары политехникалық колледжі педагогтерінің кәсіби білім берудегі инновациялық әдіс-тәсілдері, цифрлық технологияларды тиімді пайдаланудың жолдары бойынша зерттеу жұмыстары мен авторлық бағдарламалары үздік үлгі ретінде таныстырылды.
Шара барысында ашық пікір алмасу алаңы құрылып, қатысушылардың ұсыныс-пікірлері ескеріліп, қорытыланды.