Ақтөбе облыстық әдістемелік орталығы
Актюбинский областной методический центр

Ақтөбе облыстық әдістемелік орталығының ұйымдастыруымен Ақтөбе жоғары гуманитарлық колледжі базасында «Техникалық және кәсіптік білім беру ұйымдарында білім сапасы мен басқару мәдениетін қамтамасыз етудің тиімді тетіктері: стратегиялық басқару, мониторинг және нәтижелілік» тақырыбында колледж басшыларына арналған әдістемелік күн өтті.

Білім сапасын арттыру мен басқару мәдениетін жетілдірудің заманауи модельдерін талқылау, стратегиялық басқару қағидаттарына негізделген тиімді басқару шешімдері арқылы техникалық және кәсіптік білім беру ұйымдарының тұрақты даму тетіктерін айқындау мақсатында өткізілген шарада «Педагогтердің кәсіби құзыреттілігін арттыруда әдістемелік қызметтің рөлі», «WorldSkills – білім сапасын арттыру құралы ретінде: стратегиялық басқару аспектісі», «Техникалық және кәсіптік білім берудің мемлекеттік жалпыға міндетті стандарты: мазмұны мен іске асыру жолдары» тақырыбында баяндамалары тыңдалды.
Шарада педагогтердің кәсіби дамуын жүйелі ұйымдастыру, халықаралық тәжірибені енгізу, білім беру мазмұнын жаңарту және мемлекеттік жалпыға міндетті стандарт талаптарын тиімді іске асыру мәселелері жан-жақты қарастырылды.
Білім сапасын басқарудың тиімді тетіктерін жетілдіру, мониторинг жүйесін жүйелеу және басқару мәдениетін дамыту бағытында нақты ұсыныстар қабылданып, шара қорытындыланды.