Ақтөбе облыстық әдістемелік орталығы
Актюбинский областной методический центр

Оқушылардың оқу және коммуникативтік құзыреттілігінің дамуына қызығушылық танытатын педагогтерді біріктірген «Функционалдық сауаттылық – түсіну, ойлау және қарым-қатынастың кілті» атты облыстық шығармашылық шеберхананың II отырысы жоғары деңгейде ұйымдастырылып, мазмұнды өткізілді.

Іс-шара Zoom платформасында, яғни онлайн форматта Ақтөбе қаласындағы «Қызылжар орта мектебі» КММ-нің орыс тілі мен әдебиеті пәнінің мұғалімі, педагог-зерттеуші Горбатенко Галина Петровнаның жетекшілігімен өтті. Қашықтан ұйымдастырылуына қарамастан, кездесу мазмұнды кәсіби диалогқа ұласып, тәжірибе алмасу аясын кеңейтуге мүмкіндік берді.

Кездесудің негізгі мақсаты – мәтіннің оқу сауаттылығын қалыптастырудағы жетекші рөлін жан-жақты талдау. Қатысушылар мәтінді талдау, интерпретациялау және ақпаратты сыни тұрғыдан бағалауға үйретудің заманауи, тиімді әдістемелерімен танысты.

Шеберхана жетекшісі қатысушылар назарына мәтінді түсінуден саналы қарым-қатынас пен шығармашылық ойлауға дейінгі дағдыларды жүйелі қалыптастыруға бағытталған құзыреттілікті дамыту модулін ұсынды.

Практикалық бөлім шеберхана мүшелері – тәжірибелі педагогтердің іс-тәжірибелерін таныстыру алаңына айналды.

Атап айтқанда:

Абдуллина Гульзира Есеновна (Ақтөбе қаласы, М. Әлімбаев атындағы №25 орта мектебі) көркем мәтінді терең талдауға арналған «Тәсілдер конструкторы» әдісін таныстырды.

Жисува Эльмира Сарбалаевна (И. Білтабаев атындағы орта мектебі) Оқуды белсенді ойлау әрекетіне айналдыру жолдарын көрсетті.