Ақтөбе облыстық әдістемелік орталығы
Актюбинский областной методический центр

15 желтоқсан күні Ақтөбе облыстық әдістемелік орталығының ұйымдастыруымен «Ақтөбе облысында білім беру саласына жасанды интеллектіні енгізу бойынша Жол картасы» аясында облыстық семинар өтті.

Семинар «Білім беру саласында жасанды интеллектінің рөлі мен мүмкіндіктері» тақырыбында өтіп, білім беру мекемелеріне қарасты балабақша тәрбиешілеріне арналды.

Семинар спикері – М. Жұмаев, Harvard Extension School (Project Management) және Suffolk University (Management & Leadership) бағдарламаларын тәмамдаған, ЖИ мен инклюзивті білім беру бағытындағы жобаларды жүзеге асырушы маман.
Шара барысында М. Жұмаев жасанды интеллект технологияларын білім беру үдерісіне енгізу арқылы оқыту сапасын арттырудың практикалық мүмкіндіктерін таныстырып, ЖИ құралдарын тиімді қолданудың жолдарын үйретті.
Семинар тәрбиешілер үшін пайдалы тәжірибе мен жаңа идеяларға жол ашты.