«Жасыл балабақша», «ІТ- балабақша» жобаларын масштабтау туралы
Ақтөбе облысында «ІТ балабақша» жобасы аясындағы жұмыс тобының құрамы
Ақтөбе облысы бойынша 2026 жылға арналған «ІТ-БАЛАБАҚША» жобасының жұмыс жоспары
«IT-балабақша» пилоттық жобасы аясында «Мектепке дейінгі ұйымдардағы тиімді инновациялық тәжірибелер тарату» тақырыбында облыстық семинар өтті
https://bilimaktobe.kz/kz/doshkol-noe-obrazovanie/proekt-it-detskij-sad#sigFreeId87aad24fd1
2026 жылғы 22 мамырда облыстық білім басқармасының 22.05.2024ж. №261 бұйрығы негізінде «IT-балабақша» пилоттық жобасы болып бекітілген Ақтөбе қаласындағы №49 «Думан» бөбекжай-балабақшасында «Мектепке дейінгі ұйымдардағы тиімді инновациялық тәжірибелер тарату» тақырыбында облыстық қорытынды семинар өтті.
Ақтөбе облыстық әдістемелік орталығының ұйымдастыруымен өткен шараға Ақтөбе қаласы мен аудандардағы тірек балабақшалардың педагогтері қатысты.
Іс-шара «IT-балабақша» пилоттық жобасы нәтижесі: тәжірибе мен ұсыныс» тақырыбындағы баяндамамен ашылды. Онда жобаны іске асыру барысында жинақталған тәжірибе мен алдағы жұмысқа арналған ұсыныстар қарастырылды.
Іс-шара аясында «Цифрлық ортадағы заманауи тәрбиеші» тақырыбында кейс-стади ұсынылып, цифрлық білім беру кеңістігінде педагогтің рөлі, оның кәсіби дамуы және заманауи талаптарға бейімделуі талданды. «Тірі және өлі табиғат» тақырыбында жасанды интеллект технологияларын қолдану арқылы ұйымдастырылған оқу іс-әрекеті көрсетіліп, балалардың қоршаған орта туралы түсінігін кеңейтуге және танымдық қызығушылығын арттыруға бағытталды. «Ақылды технологиялар әлемі» атты іскерлік ойын барысында педагогтер цифрлық құралдарды қолдану арқылы оқу үдерісін тиімді ұйымдастыру жолдарын тәжірибе жүзінде қарастырып, өзара тәжірибе алмасты. Сонымен қатар «Мектепке дейінгі жаста мультфильм жасау» тақырыбында шығармашылық шеберхана өткізіліп, мультимедиялық технологияларды қолдану арқылы балалардың шығармашылық қабілетін дамыту жолдары көрсетілді. Семинар соңында платформа арқылы «IT-балабақша: жетістік, кедергі, шешім» тақырыбында кері байланыс ұйымдастырылып, қатысушылар жобаны жүзеге асыру барысындағы жетістіктер мен кездесетін қиындықтарды талқылап, оларды шешу жолдары бойынша ұсыныстарын білдірді. Балабақша ауласында өткен практикалық бөлімде қатысушыларға «Таза ауадағы Smart Play» кеңістігіне шолу ұйымдастырылды.
«IT-балабақша» пилоттық жобасы аясында педагогтер цифрлық технологияларды, жасанды интеллект құралдарын және заманауи әдіс-тәсілдерді тиімді қолданып, өз тәжірибелерін үздіксіз жетілдіріп отырды. Бұл бағыттағы жұмыстар балалардың танымдық, шығармашылық қабілеттерін дамытуға және мектепке дейінгі білім беру сапасын арттыруға айтарлықтай үлес қосты.
Орындаған: Г.Жетмекова, Ақтөбе облыстық әдістемелік орталығының әдіскері
«IT-балабақша» облыстық жобасы аясында «IT – балабақша: педагог, бала, ата-ана – цифрлы серіктестік» тақырыбында облыстық семинар өтті
https://bilimaktobe.kz/kz/doshkol-noe-obrazovanie/proekt-it-detskij-sad#sigFreeId4ef5097da4
2026 жылғы 21 мамыр күні Ақтөбе облыстық әдістемелік орталығының ұйымдастыруымен «IT-балабақша» облыстық жобасы аясында Шалқар ауданы «Болашақ» мектепке дейінгі ұйымында «IT – балабақша: педагог, бала, ата – ана – цифрлы серіктестік» тақырыбында семинар өтті.
Шара педагогтердің кәсіби біліктілігін арттыру, педагог, бала және ата-ана арасындағы цифрлы серіктестікті нығайту, жасанды интеллект пен цифрлық технологияларды мектепке дейінгі білім беру үдерісінде тиімді қолдану тәжірибесін кеңейту мақсатында ұйымдастырылды.
Семинарға мектепке дейінгі ұйымдардың педагогтері қатысып, педагог, бала және ата-ана арасындағы бірлескен цифрлы серіктестікті дамытуға бағытталған жаңа идеялар мен инновациялық бағыттармен танысты.
«Болашақ» мектепке дейінгі ұйымының педагогтері «Ойыннан – инженерлік ойлауға: робототехника мүмкіндіктері», «Қарапайым тәжірибеден -үлкен жаңалыққа», «STEAM кеңістігінде мехатроника: құрастырудан қозғалысқа дейін», «Кішкентай мултьстудия: балалардың шығармашылық қабілетін дамыту», «Шығармашылық арқылы зерттеу: баланың еркін ойлауын дамыту» тақырыптарында іс-тәжірибелерімен бөлісті.
Сонымен қатар, педагогтер жасанды интеллект мүмкіндіктері, робототехника, STEAM технологиялары және ата-анамен жүргізілетін цифрлы жұмыстар бағытында тәжірибелік іс-әрекеттер көрсетіп, өзара тәжірибе алмасты. Қатысушылар заманауи технологиялық құралдарды қолдану арқылы балалардың қызығушылығы мен шығармашылық, танымдық қабілеттерін дамытуға арналған тиімді әдіс-тәсілдермен танысты.
Орындаған: Г.Жетмекова, Ақтөбе облыстық әдістемелік орталығының әдіскері
«IT-балабақша» облыстық жобасы аясында «Мектепке дейінгі білім беруде жасанды интелект пен цифрлық технологияларды тиімді қолдану» тақырыбында облыстық семинар өтті
https://bilimaktobe.kz/kz/doshkol-noe-obrazovanie/proekt-it-detskij-sad#sigFreeIdb8a9b815ff
2026 жылғы 20 мамыр күні Ақтөбе облыстық әдістемелік орталығының ұйымдастыруымен «IT-балабақша» облыстық жобасы аясында Мәртөк ауданы №12 «Бәйтерек» мектепке дейінгі ұйымында «Мектепке дейінгі білім беруде жасанды интеллект пен цифрлық технологияларды тиімді қолдану» тақырыбында семинар өтті.
Семинардың мақсаты – мектепке дейінгі ұйым педагогтерінің цифрлық құзыреттілігін арттыру, жасанды интеллект құралдарын оқу-тәрбие үдерісінде тиімді пайдалану жолдарын көрсету және заманауи технологияларды енгізу бойынша тәжірибе алмасу.
Іс-шара «IT-Балабақша» пилоттық жобасының тиімділігі мен нәтижелері тақырыбындағы баяндамамен ашылды. Онда жобаның мектепке дейінгі ұйымдарда цифрлық білім беру ортасын қалыптастырудағы рөлі және педагогтердің кәсіби дамуына ықпалы атап өтілді. «Музыка және ІТ» бағытындағы заманауи ұйымдастырылған іс-әрекеті музыка мен цифрлық технологияларды кіріктіре отырып, балалардың есту қабілетін, ырғақты сезінуін және шығармашылық белсенділігін дамытуға бағытталды. «Wordwall» платформасында цифрлық тапсырмалар дайындау жолдары көрсетіліп, педагогтерге интерактивті оқу материалдарын құрастырудың практикалық мүмкіндіктері таныстырылды. «Цифрлық технологиялар арқылы мамандықтар әлемін тану» тақырыбындағы іс-әрекет барысында балаларға түрлі мамандықтар туралы ақпаратты заманауи цифрлық құралдар арқылы ұсыну жолдары көрсетілді. Сонымен қатар «Еңбекқор құмырсқа» ұйымдастырылған іс-әрекеті арқылы балалардың еңбекқорлық, ұйымшылдық және жауапкершілік қасиеттерін дамытуға бағытталған ойын және тәжірибелік әдістер қолданылды. «Gemini AI» және «Heyzine AI» қосымшалары арқылы интерактивті кітап жасау жолдарын таныстыру педагогтерге цифрлық білім беру контентін дайындаудың жаңа мүмкіндіктерін ашып, оқу материалдарын визуалды әрі қызықты форматта ұсынуға жағдай жасайтыны атап өтілді.
Іс-шара барысында педагогтер заманауи цифрлық платформалар мен жасанды интеллект құралдарын тиімді қолдану арқылы оқу процесін жаңаша ұйымдастыру тәжірибесімен бөлісті және олардың білім беру сапасын арттырудағы маңызы талқыланды.
Орындаған: Г.Жетмекова, Ақтөбе облыстық әдістемелік орталығының әдіскері
«IT -балабақша» пилоттық жобасы аясында «Мен заманауи тәрбиеші - цифрлық технологияларды қолданудағы тәжірибе» тақырыбындағы облыстық семинар-практикум өтті
https://bilimaktobe.kz/kz/doshkol-noe-obrazovanie/proekt-it-detskij-sad#sigFreeId36014ea418
2026 жылғы 19 мамырда Ақтөбе облыстық әдістемелік орталығының ұйымдастыруымен «IT -балабақша» облыстық пилоттық жобасының жоспарына сәйкес Алға ауданындағы №2 «Айгөлек» бөбекжай балабақшасында «Мен заманауи тәрбиеші - цифрлық технологияларды қолданудағы тәжірибе» тақырыбындағы облыстық семинар-практикум өтті.
Іс-шараның мақсаты: балабақшада заманауи әдіс-тәсілдерді қолдана отырып, цифрлық сауаттылықты қалыптастыру. Семинарға мектепке дейінгі ұйымдардың әдіскерлері мен тәрбиешілері қатысты.
«Қиялдан экранға дейін: жас аниматорлардың жолы», «Роббидің ақылды достары» панорамалық ұйымдастырылған іс-әрекет, «Аралар патшалығындағы цифрлық саяхат» тақырыбында тәрбиешілердің дайындаған инновациялық жұмыстарды көрсетіліп, «Тарсия әдісі» атты педагогтермен тренинг жүргізілді.
Семинар барысында мектепке дейінгі білім беру ұйымдарында ақпараттық технологияларды тиімді пайдалану, цифрлық білім беру ресурстарын енгізу және педагогтердің IT құзыреттілігін арттыру мәселелері қарастырылды. Қатысушыларға заманауи цифрлық платформалар мен интерактивті әдістер таныстырылып, тәжірибелік жұмыстар ұйымдастырылды.
Педагогтер өзара тәжірибе алмасып, балабақшада цифрлық технологияларды қолданудың тиімді жолдарын талқылады. Семинар қатысушылары жобаның балалардың танымдық қабілетін дамытуға, шығармашылық белсенділігін арттыруға және білім беру сапасын жақсартуға оң әсер ететінін атап өтті.
Орындаған: Г.Жетмекова, Ақтөбе облыстық әдістемелік орталығының әдіскері
«ІТ-балабақша» облыстық жобасы аясында «Кішкентай ІТ-технология шебері» тақырыбында облыстық семинар-практикум өтті
https://bilimaktobe.kz/kz/doshkol-noe-obrazovanie/proekt-it-detskij-sad#sigFreeIda7fff52403
2026 жылғы 18 мамыр күні Ақтөбе облыстық әдістемелік орталығының ұйымдастыруымен «ІТ-балабақша» облыстық жобасы аясында Қарғалы ауданы, Жосалы орта мектеп-балабақшасында «Кішкентай ІТ-технология шебері» тақырыбында облыстық семинар-практикум өтті.
Іс-шараның мақсаты – мектепке дейінгі жастағы балалардың ІТ технологияларға қызығушылығын арттыру, заманауи цифрлық құралдарды қолдану арқылы олардың шығармашылық және танымдық қабілеттерін дамыту тәжірибесін насихаттау.
Семинарға «ІТ-балабақша» жобасын жүзеге асырушы балабақшалардың әдіскерлері мен тәрбиешілері қатысты. Семинар бағдарламасы аясында қатысушыларға балалардың цифрлық және зерттеушілік дағдыларын дамытуға бағытталған тәжірибелік іс-шаралар ұсынылды.
Шеберлік сағат барысында «Балаларды ІТ-ға қызықтыру жолдары» тақырыбы қарастырылып, мектепке дейінгі жаста цифрлық сауаттылықты қалыптастырудың тиімді тәсілдері көрсетілді. Одан кейін 3D-қаламды қолдану мүмкіндіктері таныстырылып, балалардың ойлау қабілетін дамытуға бағытталған практикалық жұмыс жүргізілді. Педагог-психолог өткізген тренингте балалардың танымдық белсенділігін арттыруға және өзара әрекеттесу дағдыларын дамытуға арналған әдістер қарастырылды. Сонымен қатар «Бала қиялындағы робот әлемі» тақырыбында балалардың шығармашылық ойлауын дамытуға бағытталған жұмыс көрсетілді. «Ізденіс пен зерттеу – баланың болашағына бастар жол» тақырыбындағы іс-тәжірибе барысында зерттеушілік әрекетті ұйымдастырудың тиімді жолдары ұсынылды. Семинар соңында STEM технологияларын балабақшада тиімді қолдану тәжірибесі таныстырылып, заманауи білім беру үдерісінде бұл бағыттың маңыздылығы атап өтілді.
Іс-шара барысында педагогтер цифрлық құралдар мен инновациялық әдістерді қолдану арқылы балалардың қызығушылығын арттыру, шығармашылық белсенділігін дамыту және оқу үдерісін тиімді ұйымдастыру жолдарын талқылады.
Орындаған: Г.Жетмекова, Ақтөбе облыстық әдістемелік орталығының әдіскері
