Ақтөбе облысында мұғалімдер мен ата-аналар арасында ауқымды сауалнама жүргізілді. Сауалнаманың мақсаты – электронды журналды қолданушылардың қанағаттанушылығын зерттеу болды. Зерттеу 3 100-ден астам педагог пен 6 800 оқушының ата-анасын қамтыды. Нәтижелер отандық BilimClass цифрлық шешімінің мектеп жүйесінде жоғары сұранысқа ие әрі тиімді екенін көрсетті.
Мұғалімдердің пікірі: ыңғайлылық, тұрақтылық, қолдау
Педагогтердің арасында:
86,8 % жергілікті қауымдастықты қолдау, қауіпсіздік және сенімділік тұрғысынан отандық платформаны қолдану маңызды немесе өте маңызды деп санайды.
Платформамен жұмыс істеудің үш негізгі аспектісі жоғары бағаланды:
Интерфейстің ыңғайлылығы – 91,8 %
Жұмыс тұрақтылығы – 91,9 %
Қолдау қызметінің сапасы – 91,3 %
82,9 % мұғалім BilimClass-тың күнделікті жұмысына оң әсер еткенін атап өтті.
Ата-аналардың пікірі: сенім мен жайлылық
Ата-аналар арасында жүргізілген сауалнама көрсеткендей:
85,3 % қазақстандық платформаны қолдануды маңызды немесе өте маңызды деп есептейді.
Келесі көрсеткіштер жоғары бағаланған: тегін мобильді қосымшаның болуы (88,1 %), жұмыс тұрақтылығы (88,2%) және платформаның ыңғайлылығы (87,7%).
90,5 % респондент басқа отбасыларға платформаны ұсынуға дайын екенін растады.
Сауалнама нәтижелері электронды журналдарды қолдану білім беру экожүйесінде мұғалімдер мен ата-аналар үшін сенімді, ыңғайлы және тиімді құрал ретінде орныққанын дәлелдейді.
