Ақтөбе облыстық әдістемелік орталығының ұйымдастыруымен ағымдағы жылдың 03 сәуір күні «Қамқор» жобасы аясында «Табиғатты аяла» тақырыбындағы облыстық кездесу өткізілді.
Шара барысында Ақтөбе облыстық әдістемелік орталығының техникалық және кәсіптік білім беру бөлімінің әдіскері Б.Нурмолдина өз сөзінде «Біртұтас тәрбие» бағдарламасын теорияда және тәжірибеде іске асырудың шарттарын айтып, қатысушыларға сәттілік тіледі. Сонымен қатар, Ақтөбе қаласы жастар ресурстық орталығының басшысы Е.Жақсылықов білім алушылардың мүмкіндіктерін кеңейтуде жергілікті ұйымдармен қарым-қатынас орнату және қолдау барысында ТжКББ ұйымдарымен бірлесіп ұйымдастырылған шараларға тоқталып, биылғы оқу жылында бірлсесе атқарылатын шаралардың мазмұнын түсіндірді.
Тәжірибелік бөлімде:
- Ақтөбе құрылыс-техникалық колледжінің педагог-психологі, топ кураторы А.Төлеген «Қайырымдылық пен волонтерлік игі іс»,
- Хромтау тау – кен техникалық жоғары колледжінің жастар ісі жөніндегі комитет төрағасы Н.Асылбек «Мейірімділік пен жанашырлық: әлемді жақсартатын күш» тақырыптарында ашық алаң, шебер класс ұйымдастырып «Біртұтас тәрбие» бағдарламасы аясындағы түрлі жобалардың тәрбие процесіндегі іс-тәжірибелерімен бөлісті.
Шара соңында Ақтөбе өнеркәсіптік технологиялар колледжінің педагог-психологі Ж.Жолмағанбетова фасилитация өткізіп, кеңес берді. Қатысушылардың ұсыныстары мен пікірлері ескеріліп, шара қорытындыланды. Шараға ат салысқан педагогтерге орталық басшысының атынан Алғыс хаттар табысталды.
