Форумның басты мақсаты 2 сәуір - Дүниежүзілік аутизм туралы ақпарат тарату күніне орай қоғамды аутизм мәселесіне қатысты ақпараттандыру, инклюзивтілік идеясын насихаттау және осы саланы дамытуға бағытталған тиімді шешімдерді іздеу, сондай-ақ олардың отбасыларына қолдау көрсету.
Бұл шара ерекше балалардың ата-аналарына және сол балалармен жұмыс жасайтын мамандарға арналды.
Форумға өңірдегі ерекше балалармен жұмыс жасайтын білім саласының, денсаулық саласының, ерекше балалардың мәселелерімен айналысып жүрген үкіметтік емес ұйымдардың, қоғамдық қорлардың өкілдері қатысты.
Шара барысында аутизмді ерте анықтаудағы әдістердің тиімділігі, психиатр жұмысының маңыздылығы, аутизмі бар жасөспірімдерді жұмысқа орналастыру, арнаулы әлеуметтік қызметтерді көрсету мәселелері талқыланды.
