2025 жылғы 28 наурыз күні Ақтөбе облыстық әдістемелік орталығының жылдық жоспарына сәйкес информатика пәні мұғалімдеріне арналған «3D модельдеу және анимация» атты облыстық семинары өтті.
https://bilimaktobe.kz/kz/n-v-sti/136-3d-model-deu-zh-ne-animatsiya#sigFreeIdeea93d3320
Орталықтың ІТ бөлімінің меңгерушісі Жаншуақ Нұрлыбайұлы 3D модельдеу бойынша маңызды аспекттілеріне тоқталып, алдағы уақытта байқаулар мен жобалардың болатындығын айтып өтті.
Семинардың теориялық бөлімінде «Информатика мұғалімін даярлауды іргелі ету жағдайында 3D графика есептер жүйесі және оларды шешу әдістері» бойынша Қ.Жұбанов атындағы Ақтөбе өңірлік мемлекеттік университетінің аға оқытушысы, PhD докторы Гүлназ Байдрахманова тереңірек мағлұмат берді. «Blender бағдарламасында 3D модельдеу: қадамдап үйрену» тақырыбында Ақтөбе қаласындағы Ә.Кекілбайұлы атындағы №72 ІТ мектеп-лицейінің информатика пәні мұғалімі Аида Байтурина практикалық жұмыстарын көрсетті.
Семинар барысында «Ашық кодты жасанды интеллект құралдары (TensorFlow, PyTorch, Keras, Open AI API)» Aqbobek International School мектебінің информатика пәні мұғалімі Асемгүл Андреевна жасанды интеллект пен Python арасындағы байланысты атап көрсетті.
Семинардың практикалық бөлімін Ақтөбе өнеркәсіптік технологиялар колледжінің арнайы пәндер оқытушысы Амандық Мусит «Болашақ инжерения» бойынша көптеген практикалық іс-тәжірибелерімен бөлісіп, туындаған сұрақтарға жауап берді.
Қатысушылар кері байланыс жасап, жақсы пікірлерін айтып, семинар ұйымдастырушыларына алғыстарын білдірді.
Шара соңында іс-тәжірибесімен бөліскен педагогтер Ақтөбе облыстық әдістемелік орталығының Алғыс хатымен марапатталды.
