Облыстық тарих пәні мұғалімдері қауымдастығының кезекті
семинары өтті
Тарих пәні мұғалімдерінің облыстық ассоциациясының жұмыс жоспарына сәйкес, 2021 жылғы 27 сәуірде Ақтөбе облыстық ғылыми-тәжірибелік орталығының ұйымдастыруымен «Қашықтан оқыту жағдайында ұлттық бірыңғай тестілеуге дайындаудың тиімділігі» тақырыбында онлайн-семинар өткізілді. Онлайн тәртібінде өткен шараға 50-ден астам педагог қатысты.
Семинар барысында Ақтөбе қаласындағы №35 орта мектебінің тарих пәні мұғалімі, тарих ғылымдарының магистрі Жулумбетова Нурслу Айтжановна «Эффективные методы и приемы по подготовке к ЕНТ» тақырыбында шебер-класс көрсетсе, Хромтау қаласының №4 орта мектебінің тарих пәні мұғалімі Бердалина Мариямгул Нурлыбековна «Қазақстан тарихынан ҰБТ-ға дайындаудың тиімді жолдары» тақырыбында өз іс-тәжірибесімен бөлісті.
Қашықтан оқыту барысында тарих пәні бойынша ҰБТ-ға дайындаудың тиімді әдіс – тәсілдерін қолдану арқылы педагогтердің кәсіби шеберлігін арттыру мақсатын көздеген семинар өз деңгейінде өтті.
А.Искендирова, АОҒТО әдіскері