Ақтөбе облыстық ғылыми-тәжірибелік орталығының жоспарына сәйкес 2021 жылдың 11 наурызы күні Ақтөбе қаласы №61 ЖББОМ базасында «TIMMS,PISA нәтижелері негізін басшылыққа алып құрастырылған тапсырмаларды, оқушылардың функционалдық сауаттылығын арттыруда тиімді пайдалану» тақырыбында облыстық вебинар ұйымдастырылды.
Мақсаты: жаратылыстану-математика бағытында сабақ беретін мұғалімдердің іс-тәжірибесін тарату және тәжірибе алмасу
Вебинар барысында мектепке дейінгі және жалпы орта білім беру бөлімінің әдіскері Ғ. Байсейтова, №61 жалпы білім беретін орта мектеп директорының ғылыми-әдістемелік жұмыс жөніндегі орынбасары А.Ж.Бисембаева алғы сөзбен бастады.
Қ.Жұбанов атындағы АӨМУ доценті, ф-м.ғ.к. А.Иманчиев «Оқушылардың математикалық сауаттылығын арттырудағы тиімді әдіс-тәсілдер» тақырыбында математика пәні бойынша есептерді шешу жолдарының оңай тәсілдерін көрсетті.
Ақтөбе қаласы №61 ЖББОМ пән мұғалімдері С.С.Калмагамбетова «Білім беру саласындағы жаһандық реформа: дамуды бағалайтын халықаралық зерттеулер» тақырыбында, физика пәні мұғалімі Б.У.Тореева «Физика сабағында PISA тапсырмаларын қолдану» бойынша түрлі практикалық жұмыстар көрсетті.
Математика пәні мұғалімі Қ.Ж.Қартабаев «Математикалық сауаттылық-математикалық логика» тақырыбында қатысушылармен логикалық тапсырмалар орындады.
Биология пәні мұғалімі Г.М.Көптілеуова «Заманауи педагогтың цифрлы сауаттылығы мен құзіреттілігі: Online сабақты тиімді жүргізуге ұсыныс» тақырыбында, «Қашықтан оқыту барысында оқушылардың функционалдық сауаттылығын арттыру мақсатында виртуалды зертхананы қолдану мүмкіншіліктері» тақырыбында п.ғ.магистрі, химия пәні мұғалімі М.А.Жарылқасын іс-тәжірибесімен бөлісті.
Вебинар соңында қатысушылармен кері байланыс өткізіліп,мұғалімдер өзара пікір алмасты.
Мектепке дейінгі және жалпы орта
білім беру бөлімінің әдіскері Ғ.Байсейтова