2021 жылдың 4-наурызында Ақтөбе облыстық ғылыми-тәжірибелік орталығының ұйымдастыруымен Ақтөбе облысының жалпы білім беретін мектептерінде оқытуды қалпына келтіру бойынша іс-шаралар жоспарына сәйкес кезекті биология пәнінен әдістемелік күн өткізілді. Барлығы 100-ге жуық мұғалім қатысты.
Әдістемелік күн аясында №1 Мәртөк жалпы білім беретін орта мектебінің биология пәні мұғалімі, облыстық «Жыл таңдауы–2020» байқауының жеңімпазы Қаржауова Динара Хамитқызы 10-сыныпта "Жердегі тіршіліктің қалыптасу кезеңдері" тақырыбында онлайн сабақ өткізді.
Мұғалім сабақ барысында Google Jamboard интерактивті тақтасын, сондай-ақ жалпыға қол жетімді интерактивті модульдер арқылы оқыту мен оқытуды қолдау үшін LearningApps.org платформасын қолданды.
Сабақ аяқталған соң қатысушы педагогтер кері байланыс жасап, өзара пікірлерімен алмасты.